Topıraq – oǵada áhmiyetli tábiyiy resurs bolıp, ósimliklerdiń ósip rawajlanıwında awıl xojalıǵınıń rawajlanıwında hám xalıqtı azıq-awqat ónimleri menen támiyinlewde oǵada úlken rol oynaydı. 5 dekabrde Pútkil dunya júzinde topıraqlardı qorǵaw kúni sıpatında bayramlanadı. Ózbekstanda barlıq usı tarawǵa jaqın ilimpazlar, qánigeler, student jaslar, topıraqtanıw tarawında jumıs islewshiler, agroekosistema tarawındaǵılar bul bayramdı kóterinkilik penen belgileydi.
Berdaq atındaǵı Qaraqalpaq mámleketlik universiteti Geografiya hám tábiyiy resurslar fakultetinde 2 hám 3 kurs geografiya tálim baǵdarı studentleri menen usı ilajǵa baǵıshlanǵan seminar ótkerildi. Usı seminardı tábiyiy geografiya hám gidrometeorologiya kafedrası professorı wazıypasın waqtınsha atqarıwshı Sultashova Oralxan shólkemlestirdi hám basshılıq etti. Ilajda student jaslar 5 dekabr Pútkil dunya júzlik topıraqlardı qorǵaw kúnine baǵıshlanǵan bayanatları menen qatnastı. Seminar oǵada qızıǵarlı bolıp ótti.
