1992-jıl 14-dekabr – Qaraqalpaqstan Respublikası mámleketlik bayraǵı haqqındaǵı nızam qabıl etilgen kún. Usı múnásibet penen 2023-jıl 14-dekabr kúni Dene mádeniyatı fakultetinde «Jelbire bayraǵım baxıt – ıǵbalım» atamasında ushırasıw ótkerildi. Ilajǵa Dene mádeniyatı fakulteti dekanı N.Kaypov, professor-oqıtıwshılar, tyutorlar hám student-jaslar qatnastı. Ushırasıwda bayanatshılar qatnasıwshılardı Qaraqalpaqstan Respublikası mámleketlik bayraǵı qabıl etilgenliginiń 31 jıllıǵı menen qutlıqlap, mámleketlik simvollar hár bir mámlekettiń suvereniteti hám ǵárezsizligin belgilewshi muqaddes tımsal bolıp esaplanatuǵınlıǵı, búgin milliy bayraǵımız hár bir mekeme, oqıw orınlarında jelbirep turatuǵınlıǵı, sonday-aq, elimizde ótkeriletuǵın hár túrli bayram saltanatlarında, mámleketimiz aǵzaları qatnasıp atırǵan xalıqaralıq kólemdegi siyasiy, mádeniy-aǵartıwshılıq ilajlarda, abıraylı sport jarıslarında da bayraǵımız Watanımızdıń maqtanıshı, xalqımızdıń ar-namısın jarqın sáwlelendiretuǵınlıǵı, sport jarıslarında jeńimpaz bolǵan sportshılarımız ushın bayraǵımız bálent kóterilgen waqqıtta watanımızdıń hár bir puqarası quwanatuǵınlıǵı hám hesh kimnen kem emesligimiz benen maqtanatuǵınlıǵı, bir sóz benen aytqanda mámleketimiz bayraǵı tınıshlıq hám erkin turmısımız, jarqın keleshegimizge bolǵan isenimimiz tımsalı bolıp tabılatuǵınlıǵı atap ótti. Ótkerilgen ilajdıń tiykarǵı maqseti jaslarımızdı mámleketlik nıshanlar, olardıń mazmunı hám áhmiyeti menen menen tanıstırıp barıw bolıp tabıladı.
R.Óteniyazov
Dene mádeniyatı fakultetiniń
jaslar menen islesiw boyınsha dekan orınbasarı
