Berdaq atındaǵı Qaraqalpaq mámleketlik universiteti Hayal-qızlar keńesi tárepinen  usı jıldıń 18-dekabr kúni saat 10:00de  universitet Mádeniyat sarayında «MISS FAKULTET» kórik tańlawı shólkemlestiriledi.

Tańlawdı ótkeriwdegi maqset ziyrek, intalı student qızlardı anıqlaw hám xoshametlew, olar arasında dóretiwshilik ortalıǵın jaratıw,  jámiyetlik baslamalarda belsendiligin asırıwdan ibarat.

Tańlaw shártleri:

   Hár bir fakultetten jeńimpaz bolǵan bir student qızdan qatnasadı. Tańlawda qatnasıwshı qızlar tóreshiler tárepinen belgilengen talaplar (shártler) tiykarında bahalap barıladı.
 
«MISS FAKULTET»-2023 kórik tańlawınıń universitet bashqıshında 1-orındı iyelegen qatnasıwshı Qaraqalpaq mámleketlik universiteti rektorı tárepinen dárejeli diplom hám de estelik sawǵaları menen sıylıqlanadı.

Tańlaw qaǵıydalarına muwapıq tańlawdıń rámziy tajı hám lentasın saltanatlı túrde «MISS FAKULTET»-2023 kórik tańlawı iyesine beriledi.

Tańlawdı tamashalawǵa bárshe universitet student-jasların mirát etemiz!