2024-jildıń 10-yanvar kúni Qaraqalpaq mámleketlik universiteti bakalavr basqıshındaǵı studentleri arasında student jaslardıń ilimiy-innovaciyalıq dóretiwshilik qábiletin júzege shıǵarıw, izleniwshilik sheberliklerin asırıw, ilimiy-innovaciyalıq ideyalar hám joybarlardı tańlap alıw, olardı qollap-quwatlaw maqsetinde «Techno Ways» texnologiyalıq rawajlanıw marafonı  tańlawı ótkeriledi.

Tańlawǵa qatnasıwdı qálewshi talabanlar jeke ózi yaki óz toparı menen birgelikte innovaciyalıq islenbeleri menen qatnasadı.

Tańlaw juwmaǵına kóre, jeńimpazlar universitettiń “Innovaciyalıq fondı” ǵárejetleri esabınan tómendegishe tártipte sıylıqlanadı:

– 1-orınǵa bazalıq stipendiyanıń 5 esesi muǵdarında;

– 2-orınǵa bazalıq stipendiyanıń 4 esesi muǵdarında;

– 3-orınǵa bazalıq stipendiyanıń 3 esesi muǵdarında.

Sonday-aq, tańlaw jeńimpazlarınıń joybarları Ózbekstan Respublikası Joqarı bilimlendiriw, ilim hám innovaciyalar ministrligi tárepinen ótkeriletuǵın Respublikalıq tańlawlarǵa jiberiledi.

Usı tańlawǵa universitetimizdegi ziyrek, joqarı intellektual qábiletke iye student jaslardı belsendi qatnasıwǵa shaqırıp qalamız.

Tańlawǵa qatnasıwdı qálewshi talabanlar kerekli hújjetlerdi (pasport nusxası, obektivkası, innovaciyalıq islenbesi haqqında prezentaciya, jaratılǵan islenbeniń ózi) qaǵaz hám elektron formada Ilimiy innovaciyalıq islenbelerdi kommerciyalizaciyalastırıw bólimine  2024-jildıń 8-yanvar kúni saat 17-00 ge shekem tapsırıwları kerek.

Maǵlıwmat ushın telefon: 90 653-74-91