Shet tiller fakulteti Inglis til bilimi kafedrası filologiya hám tillerdi oqıtıw tálim baǵdarı studentleri qatnasıwında bıyılǵı Jana jılǵa arnalǵan bayram keshesi bolıp ótti. Keshege inglis til bilimi kafedrası professor-oqıtıwshıları, student-jaslar qatnastı. Kesheni fakultet dekanı Dj.Kurbanbaev ashıp berdi hám bársheni bayram menen qutlıqladı.
Bunnan soń, kafedra baslıǵı G.Djoldasova shıǵıp sóylep, ol óz sózinde 2023-jıl dawamında kafedrada alıp barılǵan ilimiy-pedagogikalıq hám innovaciyalıq jumıslar, jetiskenlikler, belsendi professor-oqıtıwshılar hám ziyrek studentlerdi atap ótip, óz minnetdarshılıǵın bildirdi hám jıynalǵanlardı bayram menen qutlıqladı.
Ilaj dawamında student-jaslar tárepinen tayarlanǵan ayaq oyınlar hámde qosıqlar menen keshe elede janlandı, sonday-aq, jańa jıl keshesine arnalǵan saxnalıq kórinisler, keshe qatnasıwshıları menen ótkerilgen jarıslı oyınlar menen oǵada qızıqlı bolıp, jıynalǵanlarda úlken tásir qaldırdı hám ayrıqsha kewil keypiyat baǵıshladı.
