Ózbekstan Respublikası Prezidenti tárepinen jaslar mánawiyatın joqarılatıw hám olardıń bos waqıtların mazmunlı shólkemlestiriw boyınsha 5 baslama sheńberinde, sonday-aq, 14-yanvar – “Watan qorǵawshıları kúni” múnásibeti menen usı jıldıń 10-11-12-yanvar kúnleri Dene mádeniyatı fakulteti student-jasları arasında sporttıń basketbol túri boyınsha fakultet birinshiligi jarısı ótkerildi.
Jarısqa fakultet studentlerinen ibarat 16 komanda (er balalar 12 komanda, qızlar 4 komanda) qatnastı. Jarıs qızǵın bellesiwlerge bay bolıp, jaslardıń basketbolǵa bolǵan qızıǵıwshılıǵı, olardıń sport sheberlikleri sınaldı. Jarısqa tájiriybeli sportshılar, O.Niyazova, U.Yuldashev hám A.Jiemuratovalar tóreshilik etti. Jarıs tóreshiler tárepinen tárepinen ádil bahalanıp, er balalar arasında I-orındı dene mádeniyatı tálim baǵdarınıń 103-topar studentleri, II-orındı kurash tálim baǵdarınıń 110-topar studentleri, III-orındı dene mádeniyatı tálim baǵdarınıń 201-topar studentleri jeńip alǵan bolsa, al qızlar arasında I-orındı hayal-qızlar sportı tálim baǵdarınıń 104-topar studentleri, II-orındı hayal-qızlar sportı tálim baǵdarınıń 203-topar studentleri, III-orındı hayal-qızlar sportı tálim baǵdarınıń 211-topar studentleri jeńip alıwǵa miyasar boldı.
Jarıs jeńimpazları shólkemlestiriwshiler tárepinen tayarlanǵan diplomlar hám estelik sawǵaları menen sıylıqlandı.
Ótkerilgen jarıstıń tiykarǵı maqseti studentler arasında sporttıń basketbol túri boyınsha jarıs ótkeriw arqalı student-jaslar arasında salamat turmıs tárizin qáliplestiriw, universitet kóleminde sporttıń basketbol sport túrin rawajlandırıw hám en jaydırıw, olardıń sport sheberligin asırıw, qábiletli sportshı studentlerdi anıqlaw bolıp tabıladı.
R.Óteniyazov
Dene mádeniyatı fakultetiniń jaslar menen islesiw boyınsha dekan orınbasarı
