Berdaq atındaǵı Qaraqalpaq mámleketlik universiteti janındaǵı Ch.Abdirov atındaǵı mádeniyat sarayında «Jańa turmıs ushın, Jańa Ózbekstan ushın» súreni tiykarında «Máhállede duw-duw gáp» atamasında ruwxıy-aǵartıwshılıq hám mádeniy saz-sáwbetli keshe bolıp ótti.

Onda universitet jaslar máseleleri hám ruwxıy-aǵartıwshılıq isleri boyınsha prorektorı S.Alawatdinov, “Salmen ishan” jome meshiti imam orınbasarı I.Kupabaev, Ózbekstan hám Qaraqalpaqstan Jazıwshılar awqamı aǵzası, R.Otarbaev, Ózbekstan mámleketlik kórkem-óner hám mádeniyat institutı Nókis filialı oqıtıwshısı Q.Yusupov, Qaraqalpaqstan Respublikası jawınger veteranı O.Tóreniyazov, Arqa-Batıs áskeriy okrugi komandirleri, aǵa leytinant S.Jamalov, kishi serjant Sh.Ergashov hám máhálle turǵınları sonıń menen birge, student-jaslar qatnastı.

Dáslep ilaj Ózbekstan hám Qaraqalpaqstan Respublikalarınıń mámleketlik gimnleri menen baslandı. Bunnan soń, sózge shıqqanlar 2023-jıldıń 22-dekabr kúni bolıp ótken Respublika Ruwxıylıq hám aǵartıwshılıq Keńesi májilisinde Húrmetli Prezidentimiz tárepinen bildirilgen pikir, usınıslar, jańa baslamalar hám belgilep berilgen wazıypalardıń áhmiyeti haqqında keń túrde aytıp ótti.

Ilaj Berdaq atındaǵı Qaraqalpaq mámleketlik universiteti student-jasları tárepinen tayarlanǵan koncert baǵdarlaması menen dawam etti. Ótkerilgen ilaj jıynalǵanlarǵa kóterińki keypiyat baǵıshladı.

QMU baspasóz xızmeti