Tabısxanov Nursultan Qaraqalpaq mámleketlik universiteti «10.00.06 Salıstırmalı ádebiyattanıw, salıstırmalı til bilimi hám awdarmashılıq» baǵdarı doktorantı házirgi kúnde Germaniyanıń Berlin qalasındaǵı Humboldt universitetinde (Top 100) óz bilimlerin asırıp kelmekte. Universitetimiz jas alımı Humboldt universitetinde bir semestr dawamında oqıw, ilimiy seminarlarǵa qatnasıw, kitapxanalarınan paydalanıw hám professor-oqıtıwshıları menen birge islesiw imkaniyatın beriwshi IPS (International Parlaments Stipendium) jeńimpazlǵın qolǵa kirgizgen edi.

Búgingi kúnde ilimiy basshısı Quwanıshbay Orazımbetov penen birge «Qaraqalpaq hám nemis ádebiyatında sayaxatnama janrınıń ózgesheligi hám tipologiyası» atamasındaǵı ilimiy tema ústinde izlenip atır. Jas ilim ǵayratkeri stipendiyanı jeńip alıwında usınıs xatları (Recommendation letter) menen járdem etken Shet tilleri fakulteti dekanı Djavod Kurbanbaev hám Nemis tili hám ádebiyatı kafedrası baslıǵı Dáwletniyaz Berdimuratovǵa óz minnetdarshılıǵın bildirip qaladı.

Fakultetimiz ǵayratkeri Germaniyaǵa dáslep kelgeninde Humboldt universiteti studentleri júda bilimli ekenligin sezgenligi, hám onı tań qaldırǵanı olar tún yarımı bolıwına qaramastan kitapxanalarda qalıp óz ústinde islegenlikleri ekenligin aytıp ótedi. Student-jaslarǵa shet tillerin (nemis, anglichan, frantsuz, koreys) tereńirek úyreniwdi hám jańa bilimlerdi ózlestiriwde sharshamaslıǵın tilep qaladı.