Búgin Berdaq atındaǵı Qaraqalpaq mámleketlik universitetinde Koreyanıń YOUNG IN SN CO., Ltd hám KBSI (Korean Basic Science Institute) wákillerinen ibárat delegaciya aǵzaları menen ushırasıw shólkemlestirildi. Onda universitet rektorı A.Reymov ilimiy isler hám innovaciyalar boyınsha prorektorı I.Turdımambetov, ximiya-texnologiya fakulteti dekanı B.Nurımbetov, biologiya fakulteti dekanı Ya.Ametov hám xalıqaralıq birge islesiw bólimi xızmetkerleri qatnastı.

Dáslep Koreyadan kelgen miymanlardı universitet rektorı A.Reymov basshılıǵında rásmiy kútip alıw máresimi bolıp ótti. Bunnan soń, tárepler ortasında birge joybarlar islewdi elede rawajlandırıw, ilim-izertlew hám laboratoriya imkaniyatların keńeytiw máseleleri boyınsha sóylesiwler alıp barıldı. Ushırasıw sheńberinde universitet rektorı A.Reymov universitet hám onıń ilimiy-izertlew tarawındaǵı jetiskenlikleri haqqında qısqasha aytıp ótti. Miymanlar ózleriniń birge joybarlar islew hám laboratoriyalar shólkemlestiriw boyınsha maǵlıwmatlar hám usınısların bildirdi.

Rásmiy ushırasıw juwmaǵında tárepler birge islesiw joybarlar boyınsha baslanǵan jumıslardı dawam ettiriwge óz-ara kelisip alındı hám kelisim shártnamasın imzaladı.