Berdaq atındaǵı Qaraqalpaq mámleketlik universiteti Shımbay fakultetinde oqıw dárgayı rektorınıń hayal-qızlar máseleleri boyınsha másláhátshisi I.Seytnazarova basshılıǵında keńes aǵzaları «Qızlarjan» klubı baslıǵı R. Kalimbetova, G. Qazaqbaeva hám Yuridika fakulteti 3-basqısh studenti G.Koshmuratovalar qatnasında bir neshe máselelerge baǵıshlanǵan keń kólemli ilaj shólkemlestirildi.

Tálim-tárbiya, student-qızlardıń bos waqtın mazmunlı ótkeriw hám óner iyelewine baǵdarlanǵan máselelerden soń kún tártibindegi tiykarǵı ilaj «TEŃLES-TEŃLESKE» principi tiykarında G. Koshmuratova tárepinen hayal-qızlar hám balalarǵa qarata islegen basım hám zorlıqtıń, aldın-alıwǵa qaratılǵan islerdi úgit-násiyatlaw, túsinik jumısları alıp barıldı.  Ilajda basım hám zorlıqtan qorǵaw haqqındaǵı Nızam hám qararlardıń mazmun mánisi keń túrde túsindirildi hám ilaj qatnasıwshıları tárepinen qabıl etilgen bul Nızam hám qarardıń mazmunın tek ǵana hayal-qızlar emes al er adamlar arasında da keń túrde dodalaw kerekligi boyınsha óz-pikir usınısların bildirip ótti. Ushırasıw sońında student-qızlardıń pikir-usınısları tıńlandı.