Ózbekstan Respublikası Prezidentiniń 2021-jıl 26-mart kúngi «ruwxıylıq hám aǵartıwshılıq jumısların túpten jetilistiriw is-ilajları haqqında»ǵı 5040-sanlı qararı hám 2023-jıl 22-dekabr kúngi respublika ruwxıylıq hám aǵartıwshılıq keńesiniń keńeytilgen májilisinde belgilengen wazıypalardıń orınlanıwın támiyinlew hám bul baǵdarda ámelge asırılǵan jumıslardı úyreniw maqsetinde búgin, 15-may kúni Ruwxıylıq hám aǵartıwshılıq orayı bólim baslıǵı Jasur Boltayev hám Respublika ruwxıylıq hám aǵartıwshılıq orayı Qaraqalpaqstan Respublikalıq bólimi baslıǵı Tatlımurat Atamuratovlar Berdaq atındaǵı Qaraqalpaq mámleketlik universitetinde boldı. Dáslep miymanlar universitettiń student-jaslarınıń qolǵa kirgizgen tabısları, súwretlew hám qol óneri úlgileri menen tanıstı. Búnnan soń, “Qalqan” jámiyetshilik toparları, jas jurnaslistler, kitapqumarlar, shet tillerin úyretiw boyınsha shólkemlestirilgen “Uni academy” klublarınıń hám pán dógerekleriniń sonday-aq, Repressiya qurbanların eslew muzeyi iskerligi menen tanısıp, bul baǵdarda islenip atırǵan jumıslarǵa joqarı baha berdi.

Isshi topar aǵzalarınıń bul baǵdardaǵı jumıslardı úyreniwden maqset Qaraqalpaqstan Respublikasındaǵı qala hám rayonları, ministrlikler, mákeme hám shólkemlerde sociallıq-ruwxıy ortalıqtıń jaǵdayı, sonday-aq, ruwxıy-aǵartıwshılıq jumıslardıń nátiyjeliligin arttırıw bolıp tabıladı.

QMU baspasóz xızmeti