Búgin 18-may sánesinen baslap Geodeziya, kartografiya hám tábiyiy resurslar kafedrasında 70721801-Neft hám gaz kánlerin iske túsiriw hám olardan paydalanıw hám 70722601-Geodeziya hám geoinformatika qánigelikleri magistranlarınıń magistrlik dissertaсiya jumısların qorǵaw baslandı. Mámleketlik attestaciya quramı Ózbekstannıń túrli aymaqlarınan dúzilgen, atap aytatın bolsaq, Neft hám gaz kánlerin iske túsiriw hám olardan paydalanıw qánigeligine ÓzR IA Ulıwma hám neorganikalıq ximiya institutı t.i.d.,prof B.Adizov, Qarshı injenerlik ekonomika institutı «Neft hám gaz isi» kafedrası baslıǵı t.i.b.f.d., docent L.Sattarov, Buxara injenerlik texnologiya institutı t.i.b.f.d., docent A.Ochilov hám Geodeziya hám geoinformatika qánigeligine Qaraqalpaqstan Awıl xojalıq hám agrotexnologiyalar instituti “Jer kadastrı hám jerden paydalanıw” kafedrası baslıǵı, a.x.i.d., docent N.Reymov, Geodeziya, kartografiya hám tábiiy resurslar kafedrası baslıǵı, g.i.b.f.d. (PhD), dotsent Ya.Xudaybergenov, Magistratura bóliminiń baslıǵı, ped.i.f.d. (PhD), dotsent I.Allambergenov, Geodeziya, kartografiya hám tábiyiy resurslar kafedrası g.i.d., professor P.Reymov Ózbekstan milliy universiteti kartografiya kafedrasi professorı E.Safarov Ózbekstan milliy universiteti kartografiya kafedrası baslıǵı g.i.b.f.d. (PhD), dotsent K.Bekanov, «Uzdavyerloyiha» ilimiy joybarlaw instituti Qaraqalpaqstan bólimi direktorı J.Yerejepov hám kafedramız professor-oqıtıwshılarınan dúzilgen. Magistrantlardıń 2 jıl dawamında tayarlaǵan magistrlik dissertaciya jumısları talap dárejesinde tayarlanǵan hám qorǵaw ushın prezintaciyalar islengen. Qorǵaw dawamında magistrantlarǵa professor-oqıtıwshılar tárepinen dissertaciya jumıslar boyınsha sorawlar berildi hám tiyisli juwaplar alındı, bahalaw tártibi hám ólshemi boyınsha bahalandı.