Aldın xabar bergenimizdey, jaslarımızdıń bos waqıtların mazmunlı ótkeriw, 5 áhmiyetli baslamanı student-jaslar arasında keń túrde úgit-násiyatlaw maqsetinde Berdaq atındaǵı Qaraqalpaq mámleketlik universitetinde, sporttıń futbol, voleybol (er balalar, qız balalar) túrinen, sport ligası jarısları ótkerilgen edi. Usı jıldıń 20-may kúni universitettiń sport maydanshasında sport ligası jarıslarınıń jeńimpazların sıylıqlaw máresimi bolıp ótti. Sıylıqlaw máresiminde universitetimizdiń Jaslar máseleleri hám ruwxıylıq-aǵartıwshılıq isleri boyınsha prorektorı S.Alawatdinov sózge shıǵıp, jarıs qatnasıwshıların universitet rektoratı atınan qızǵın qutlıqlap, jeńimpazlarǵa diplom hám estelik sawǵaların tapsırdı.

Jarıstı ótkeriwden tiykarǵı maqset student-jaslar arasında sporttı ǵalabalastırıw, olar arasında doslıq múnásibetin ornatıw, sonday-aq olardı hár tárepleme qollap-quwatlaw, sportshılar ushın múnásip sharayatlar jaratıw bolıp tabıladı. Jarısıqa 17 fakultet komandaları 4 ay dawamında belsene qatnasıp, jarıs juwmaǵında jeńimpazlarǵa universitet rektorı tárepinen diplom hám estelik sawǵalar tapsırıldı.