Berdaq atındaǵı Qaraqalpaq mámleketlik universitetinde 2024-2025-oqıw jılı ushın qabıllaw processlerine baǵıshlanǵan baspasóz konferenciyası bolıp ótti. Onda universitettiń Qabılaw komissiyasınıń juwaplı xatkeri S.Sulaymanov, Jámiyetshilik penen islesiw («Call-center») toparı baslıǵı M.Tilewmuratov hám ǵalaba xabar quralları wákilleri qatnastı. Konferenciyanı universitettiń jaslar máseleleri hám ruwxıylıq-aǵartıwshılıq isleri boyınsha prorektorı S.Alawatdinov ashıp berdi.
Bunnan soń, konferenciya qatnasıwshılarına Ózbekstan Respublikası Prezidentiniń 2024-jıl 24-may kúngi Joqarı oqıw orınlarına oqıwǵa qabıl etiw hám mámleket buyırtpasın jaylastırıw sistemasın jetilistiriw haqqında PP-81-sanlı Pármanı, sonday-aq, 2024-2025-oqıw jılı ushın qabıllaw procesindegi áhmiyetli jańalıqlar haqqında maǵlıwmatlar berildi.
Baspasóz konferenciyası dawamında ǵalaba xabar quralları wákilleri tárepinen berilgen sorawlarǵa Qabılaw komissiyasınıń juwaplı xatkeri S.Sulaymanov, Jámiyetshilik penen islesiw («Call-center») toparı baslıǵı M.Tilewmuratovlar tárepinen tiyisli juwaplar berildi.
QMU baspasóz xızmeti
