Aldın xabar bergenimizdey, Berdaq atındaǵı Qaraqalpaq mámleketlik universiteti tárepinen 2024/2025 oqıw jılı ushın usı jıldıń 5-13-iyul kúnleri aralıǵında kásiplik (dóretiwshilik) imtixanları ótkerilmekte.

Imtixanlardıń nızam talaplarına say ádil hám ashıq-aydınlıq penen ótkeriliwin kózden ótkeriw maqsetinde búgin imtixan processlerine Qaraqalapaqstan Respublikası Joqarǵı Keńesi komitet baslıǵı, Joqarǵı Keńesiniń deputatları kelip, ótkerilip atırǵan imtixanlardıń barısı menen tanıstı.

Dáslep miymanlar imtixan tapsırıp atırǵan abiturientler hám olardıń ata-anaları menen imtixan ótkeriletuǵın orınlarda jaratılǵan shárayatlar haqqında sáwbetlesti. Bunnan soń, abiturientler hám olardıń ata-anaları bul jerdegi qolaylıqlar hám abiturienlerdiń toplaǵan balları sol waqıttıń ózinde málim etilip atırǵanlıǵı,  sonıń menen bir qatarda imtixan processin internet arqalı tikkeley onlayn rejimde baqlap barıw imkaniyatı bar ekenliginen shólkemlestiriwshilerge óz minnetdarshılıǵın bildirdi. Haqıyqatında da ádil hám ashıq-aydınlıq tárizde ótkerilip atırǵan imtixanlar haqıyqıy óz bilimi hám sporttaǵı joqarı sheberligi bar jaslar ushın jáne bir jaqsı imkaniyat bolıp tabıladı.

QMU Baspasóz xızmeti