Qaraqalpaqstan Respublikası Ministrler Keńesinde 1-oktyabr – Muǵallimler hám ustazlar kúni múnásibeti menen joqarı bilimlendiriw tarawınıń pidayıların sıylıqlaw ilajı bolıp ótti.

Ilajda Qaraqalpaqstan Respublikası Ministrler Keńesi Baslıǵınıń orınbasarı Bayrambay Otemuratov sózge shıǵıp, jıynalǵanlardı ulıwma xalıqlıq bayram menen qutlıqladı hám ilimiy-pedagogikalıq jumıslarında tabıslar tiledi.

Ilajda elimizdiń erteńgi keleshegi bolǵan jas áwladtı hár tárepleme bilimli, kámil insanlar etip tárbiyalawdaǵı nátiyjeli miynetleri hám pidayılıq úlgileri, bilimlendiriw tarawında ámelge asırılıp atırǵan reformalarǵa qosıp atırǵan múnásip úlesleri, óz kásibine bolǵan ayrıqsha miyrimi hám úlken juwapkershiligi ushın Berdaq atındaǵı Qaraqalpaq mámleketlik universiteti rektorı Reymov Axmed Mambetkarimovich, sonday-aq, Kórkem óner fakulteti dekanı Ótegenov Hákimbay Maksetbaevich, Ózbek tili hám ádebiyatı kafedra baslıǵı Abdullayev Xamro Dauletbayevich, Fakultetler aralıq dene mádeniyatı kafedrası baslıǵı Najimov Ilal Ibrayimovich, Inglis tili ham adebiyatı kafedrası docenti Seytova Damegul Utarbaevna, Jınayat huqıqı, kriminalistika hám processi kafedrası w.w.a professorı Utemuratova Sapargúl Shamshetovnalarǵa Ministrler Keńesi Baslıǵınıń húrmet jarlıqları tapsırıldı.