Búgin Berdaq atındaǵı Qaraqalpaq mámleketlik universitetinde Ministrler Kabinetiniń Mámleketlik tildi rawajlandırıw departamenti hám Qaraqalpaqstan Respublikası Ministrler Keńesi janındaǵı Mámleketlik tildi rawajlandırıw departamenti tárepinen Qaraqalpaqstan Respublikasınıń «Mámleketlik til haqqında»ǵı nızamı qabıl etilgeniniń 35 jıllıǵı múnásibeti menen basıp shıǵarılǵan jańa kitaplardıń prezentaciyası bolıp ótti.

Onda Ózbekstan Jazıwshılar awqamı, Qaraqalpaqstan Respublikası Jazıwshılar awqamı aǵzaları, jazıwshı hám shayırlar, professor-oqıtıwshılar, student-jaslar qatnastı. Ilajdı Qaraqalpaqstan Respublikası Joqarǵı Keńesi kamitet baslıǵı Murat Atamuratov alıp bardı. Dáslep Ózbekstan Respublikası Prezidenti Administraciyası juwapker xızmetkeri G‘ofur Eshmurodov hám Ózbekstan xalıq shayırı Usmon Azimler sózge shıǵıp, jıynalǵanlardı «1-dekabr Qaraqalpaq tiline mámleketlik til biyligi berilgenine 35 jıl tolıwı» múnásibeti menen qızǵın qutlıqladı.

Bunnan soń, Mámleketlik tilde is júrgiziw tiykarların oqıtıw hám qánigeligin arttırıw orayı Qaraqalpaqstan Respublikası aymaqlıq bólimi baslıǵı Farhod Bobojonov, Qaraqalpaq mámleketlik universiteti professorı, filologiya ilimleri doktorı (DSc) Dauletnazar Seytkasimovlar “Mámleketlik tilde is jurgiziw tiykarları” sabaqlıǵı haqqında jıynalǵanlarǵa maǵlıwmatlar berdi. Sonıń menen birge, ilaj dawamında Qaraqalpaqstan Respublikasındaǵı joqarı oqıw orınları studentleri arasında ótkerilgen “Ǵalabalıq diktant” tańlawınıń jeńimpazlarına, sonday-aq, Qaraqalpaqstan Respublikasında ózbek hám qaraqalpaq tilin rawajlandırıwǵa múnásip úles qosqan ministrlik, mákeme, shólkem xızmetkerlerine diplom hám estelik sawǵaları tapsırıldı.

QMU baspasóz xızmeti