Қорақалпоқ давлат университети Қорақалпоқ тилшунослиги кафедраси профессори, филология фанлари доктори Ш.Абдиназимов ўзи таҳсил олган Кегайли туманидаги 42 сон мактабга 150 дона китоб совға қилди.

Китоблар орасида жаҳон мумтоз адабиёти намояндалари Пушкин, Лермонтов, Достоевский, Шолохов, Тургеневнинг китоблари, Чингиз Айтматовнинг 7 жилдлиги, ўзбек шоир, ёзувчиларидан А.Орипов, Хамид Ғулом, қорақалпоқ адабиётидан Бердақ, Ажиниёз, И.Юсупов, Т.Қайипберганов ва бошқа шоир-ёзувчиларнинг асарлари, «Қорақалпоқ фольклори»нинг 10 жилдлиги, қорақалпоқ тили ва адабиётига боғлиқ илмий асарлар мавжуд. Энг асосийси олимнинг ўз муаллифлигида жорий қилинган 20 номдаги китоблари мактаб жамоати учун катта совға бўлди.