Жорий йилнинг 24 октябрь куни Қорақалпоғистон Республикаси олий таълим ва илмий-тадқиқот институтларининг 20 нафар ёш олимлари Беларусь Республикасига икки ойлик муддатга илмий стажировкага жўнаб кетди.

Илмий стажировканинг мақсади – Беларусь Республикасининг илмий илғор тажрибасини ўрганиш ва етакчи олимлар ўртасида илмий ҳамкорликни ўрнатиш бўлиб, унда ёш олимларимиз Беларусь Республикаси Миллий Фанлар Академияси илмий-тадқиқот институтларининг янги илғор тажрибаларини, янги технологияларини ва усулларини ўзлаштиришдан иборат.

Қорақалпоқ давлат университетидан жами 6 нафар профессор-ўқитувчилари, жумладан, кимё-технология факультети декани, доцент Б.Нурымбетов, математика факультети математик анализ кафедраси доценти Б.Нуржанов, қурилиш факультети бино ва иншоатлар қурилиши кафедраси ассистенти Р.Бекимбетов, саноат технологияси факультети саноат технологияси кафедраси ассистенти Ғ.Алланиязов ва университет докторантлари М.Толыбаев ҳамда С.Кочкаровалар ўзларининг илмий йўналишлари бўйича Беларусь Республикаси Миллий фанлар академиясининг етакчи илмий-тадқиқот институтларида стажировка  ўтамоқда.

Ҳар бир стажёр мутахассислиги бўйича бириктирилган илмий раҳбарлари билан илмий ишларини муваффақиятли олиб бормоқда.

М.Толыбаев,

ҚҚДУ PhD докторанти.

Беларусь Республикаси, Минск шаҳри.