Ўзбекистон Республикаси Президентининг 2019 йил 6 сентябрдаги            ПФ-5812-сонли “Профессионал таълим тизимини янада такомиллаштиришга доир қўшимча чора тадбирлар тўғрисида”ги фармони асосида Қорақалпоғистон Республикасида жойлашган  Қораузок агроиқтисодиёт, Амударё мухандислик ҳамда Қўнғирот саноат техникумлари Бердақ номидаги Қорақалпоқ давлат университетига бириктирилган.

Ушбу бириктирилган Қораузок агроиқтисодиёт техникуми қуввати-720, Амударё мухандислик техникуми-960 ҳамда Қўнғирот саноат техникуми 540-ўринларга мўлжалланган.

Бугунги кунда Қорақалпоқ давлат университетига бириктирилган техникумларга методик ёрдам кўрсатиш мақсадида тегишли мутахассисликлар бўйича ўқув методик қўлланмалар, адабиётлар, ўқитиш материаллари тўпламлари ва электрон ресурслар билан таъминлашда амалий ёрдамлар берилиб келинмоқда.

Шунингдек, жорий йилнинг 29 октябрь куни Қўнғирот саноат техникумини жорий таъмирлаш ишлари учун 250 млн. сўм ажиратилган бўлса 2021 йил 2 ноябрь куни Амударё мухандислик техникумини жорий таъмирлаш ишларига 250 млн. сўм техникумларининг баланисига ўтказилиб берилди.

Бундан ташқари Амударё мухандислик ва Қўнғирот саноат техникумларига 10 дона компьютер жамланмаси такдим этилди.

ҚҚДУ Матбуот хизмати