2019-жыл 13-сентябрь күни саат 10 00 де Бердақ атындағы Қарақалпақ мәмлекетлик университети жанындағы DSc.27.06.2017.Fil.20.01 санлы Илимий кеңеси қасындағы 10.00.03 – Қарақалпақ тили, 10.00.12 – Қарақалпақ әдебияты қәнигелиги бойынша Илимий семинар мәжилиси Қарақалпақ филологиясы факультетиниң мәжилислер ханасында өткериледи.
Мәжилисте Қарақалпақ мәмлекетлик университети Қарақалпақ тил билими кафедрасының 10.00.03 – Қарақалпақ тили қәнигелиги бойынша еркин излениўшиси Абишов Генжебай Матжановичтың «Шымбай районы топонимлериниң тарийхый-лингвистикалық анализи» деген темадағы филология илимлери бойынша философия докторы (PhD) илимий дәрежесин алыў ушын таярланған диссертациясының талқылаўы болып өтеди.
