Ekonomikalıq hám sociallıq geografiya kafedrası universitette eń dáslep shólkemlestirilgen kafedralardan biriniń tiykarında dúzilgen kafedra bolıp, QMU quramında eń dáslep bul atamadaǵı kafedra 1992-jılı geografiya kafedrasınıń fizikalıq geografiya hám ekonomikalıq geografiya kafedraları bolıp ekige bólindi. Ekonomikalıq geografiya kafedrasına 1992-1997 jıllar aralıǵında dotsent E.Umarov basshılıq etti. 1997-jılı fizikalıq hám ekonomikalıq geografiya kafedraları geografiya kafedrası bolıp qayta biriktirilip, kafedraǵa 1997-2009 jılları dotsent P.R.Reymov, 2009-2015 jılları dotsent G.A.Xodjaeva, 2015-2019 jıllar aralıǵında dotsent N.J.Embergenovlar basshılıq etti. 2019-jılı biriktirilgen kafedranıń atı Geografiya hám gidrometeorologiya dep ataldı hám kafedra baslıǵı lawazımına dotsent K.J.Allanazarov tayınlandı. 2020-jıldıń 2-oktyabr sánesinen baslap bul kafedra qaytadan eki kafedraǵa yaǵnıy «Tábiyiy geografiya hám gidrometeorologiya» hám «Ekonomikalıq hám sociallıq geografiya» kafedraları bolıp ajıratıldı. Házirgi kúnde «Ekonomikalıq hám sociallıq geografiya» kafedrasına dotsent G.A.Xodjaeva basshılıq etip kelmekte.

2021-2022 oqıw jılında  ekonomikalıq hám sociallıq geografiya kafedrasında 8 shtat bolıp, onda 9 professor-oqıtıwshı: sonnan 1 ilim doktorı, 2 ilim kandidatı, 2 úlken oqıtıwshı, 3 assistent hám 1 stajёr oqıtıwshı jumıs islemekte hám 3 doktorant ilimiy-izertlew jumısların alıp barmaqta. Kafedra professor-oqıtıwshıları oqıw, oqıw-metodikalıq, ilim-izertlew hám tálim-tárbiyalıq jumıslarǵa belsene qatnasıp kelmekte. Jas kafedra bolıwına qaramastan kafedra professor-oqıtıwshıları tárepinen sońǵı 3 jıl dawamında kafedra 1 monografiya, 5 oqıwlıq hám oqıw qollanbalar baspadan shıǵardı hám 20 dan aslam maqalalar ilimiy jurnallarda: sonnan 6 maqala shet el ilimiy jurnallarında xám 3 maqala xalıqaralıq bazalardaǵı (scopus, web-of-science, googleschoolar) jurnallarda, 50 den aslam maqala hám tezisler xalıqaralıq hám respublika masshtabındaǵı konferentsiya materialları toplamlarında baspadan shıqtı.

Kafedra Respublikanıń bir qansha tayanısh joqarı oqıw orınları menen ilimiy hám ilimiy-pedagogikalıq kadrlar tayarlaw boyınsha shártnamalar dúzgen. Tiykarınan, O’zbekstan Milliy universiteti, Samarqand mámleketlik universiteti, Úrgench mámleketlik universiteti, O’zbekistan Respublikası İlimler Akademiyasınıń Seysmologiya institutı, O’zbekstan Resupublikası irrigatsiya hám suw resursları institutınıń Qaraqalpaqstan bólimleri menen ornatılǵan baylanıslar úlken nátiyjeler bermekte.

Házirgi kúnde kafedrada geografiya ilimileriniń doktorı, kafedra professorı İ.Turdımambetovtıń basshılıǵında FZ-201908019 – “Qoraqalpoǵiston Respublikasini tibbiy-geografik vaziyatini yaxshilashda nozogeografik xaritalarni ishlab chiqish va ulardan foydalanish” degen tema boyınsha mámleketlik byudjetten qarjılandırılǵan fundamental temada ilim-izertlew jumısı alıp barılmaqta. Bul tema 3 jılǵa mólsherlengen bolıp, jámi 690 mln  swm qarjı ajıratılǵan. Bul ilim-izertlew jumısları nátiyjesinde Qaraqalpaqstan Respublikasınıń meditsinalıq-geografiyalıq jaǵdayın jaqsılaw boyınsha usınıslar beriledi hám nozogeografiyalıq kartaları islep shıǵıladı. Kafedrada alıp barılıp atırǵan mámleketlik fundamental hám ámeliy temalarda studentler, magistrantlar hám doktorantlar qatnasıp, olar ózleriniń ilim-izertlew jumısların alıp barmaqta.

Kafedra janında 11.00.02-Ekonomikalıq hám sociallıq geografiya qánigeligi boyınsha tayanısh doktorantura shólkemlestirilgen bolıp házirgi kúnde 3 doktorant: M.Otewliev, K.Utarbaeva hám YU.Urazimbetovalar ilim-izertlew  jumısları menen shuǵıllanıp atır.

Ekonomikalıq hám sociallıq geografiya kafedrasınıń ilimiy dárejege iye professor-oqıtıwshıları