Búgin, 23-aprel kúni Berdaq atındaǵı Qaraqalpaq mámleketlik universitetinde jańadan studentler turar úyiniń ashılıwı máresimi bolıp ótti. Bunda Qaraqalpaqstan Respublikası Joqarǵı Keńesi baslıǵı M.Kamalov, Ózbekstan Respublikası Joqarǵı hám orta arnawlı bilimlendiriw minstriniń orınbasarı S.Buzrukxanov, Qaraqalpaqstan Respublikası Ministrler Keńesiniń orınbasarı A.Daniyarov, universitettiń professor oqıtıwshıları hám student jasları qatnastı.
Ilajdı, Qaraqalpaqstan Respublikası Joqarǵı Keńesi baslıǵı Kamalov Murat Qállibekovich saltanatlı túrde ashıp berdi. Onnan soń Ózbekstan Respublikası Joqarı hám orta arnawlı bilimlendiriw ministriniń orınbasarı Buzrukxanov Sarvarxon Munnavarxanovich sózge shıǵıp búgingi kúnde joqarı oqıw orınlarında sezileri dárejede ózgerisler ámelge asırılıp atırılǵanlıǵı haqqında atap ótti.
Sonday-aq Qaraqalpaq mámleketlik universitetinde bilim alıp atırǵan studentler sanınıń keskin ósiwi nátiyjesinde studentler turar úyine talap artqanın aytıp, usı studentler turar úyiniń qurılıwında úles qosqan bárshe insanlarǵa óz minnetdarshılıǵın bildirdi.
Us tiykarda student jaslardıń jańa zamanaǵóy imaratda jasawına múmkinshilik jaratılıp atır. Paydalanıwǵa tapsırılıp atırılǵan studentler úyiniń qurılıwı jumısları ushın universitet vyudjetinen tısqarı finanslıq esptan 14 061 448 037 somlıq qarjı ajıratılıp, “INVES STROY NUKUS” JShJ niń tájiriybeli qurıwshıları tárepinen qısqa múddette hám sapalı etip pitkerildi. Sonday-aq 400 orınǵa mólsherlengen studnetler turar úyi zamanagóy eki yaruslı jataq orınları ornatılıp, 550 orınǵa maslastırıldı. Zamanagóy joybar tiykarında qurılıs jumısları alıp barılǵan studentler turar úyinde jámi 1 021 730 000 somlıq úskeneler, mebeller, zamanagóy elektr pechleri, muzlatqıshlar, kir juwıw mashinaları, mikrotolqınlı pechleri, suw ısıtıw úskeneleri sıyalıqlı turmıslıq texnikalar menen támiyinlendi.
Studenler turar úyinde jaslarımızdıń sabaqtan bos waqıtların mazmunlı ótkeriw ushın qosımsha dógereklerge qatnasıwı, bilim alıw ushın barlıq múmkinshilikler jaratılǵan. Sonı da atap ótiw orınlı, Prezidentimiz tárepinen ilgeri súrilgen 5 áhmiyetli baslamanı studentler arasında keń en jaydırıw maqsetinde zamanagóy informaciyalıq texnologiyaları, kompyuter xanaları, gózzalıq salonları, málimleme resurs orayı, tigiwshilikke qızıǵıwshı jaslar ushın barlıq qolaylıqlarǵa iye dógerekler, sonıń menen bir qatarda, awqatlanıw, juwınıw, internet tarmaǵınan paydalanıw, gazeta-jurnallar oqıw, televizor kóriw ushın barlıq qolaylıqlar jaratılǵan.
Maǵlıwmat ushın 2022-jılda studentderdi turar úyi menen támiyinlew maqsetinde jáne usınday 600 orınǵa mólsherlengen eki studenler turar úyi imaratı qurılısı baslanıw aldında turıptı. Bunıń nátiyjesinde studenlerdi turar jay menen qamtıp alıw dárejesi 40%ke shekem artadı.
