|
|
Жаслар менен бирге ислесиў, руўхыйлық ҳәм ағартыўшылық бөлими баслығы:Жуманиязов Икрам Исмайлович
|
Руўхыйлық ҳәм ағартыўшылық бөлими университетте алып барылатуғын руўхый-ағартыўшылық жумысларға басшылық етиў, тараўға тийисли норматив ҳүжжетлерде белгиленген көрсетпелерди муўапықластырыў, бөлимлер, жәмийетлик шөлкемлер ҳәм кафедралардың руўхыйлық тараўындағы тәжирийбелерди улыўмаластырыў, зәрүр илимий-методикалық усыныслар, әдебиятлар таярлаў ҳәм баспадан шығарыў, студентлердиң руўхый дүньяқарасын жетилистириўге қаратылған түрли илажларды әмелге асырыў мақсетинде дүзиледи.
Улыўма қағыйдалар
- Бөлим университет ректорының буйрығы тийкарында дүзиледи;
- Бөлимниң исши топары университеттиң усы тараў бойынша жетекши қәнигелери, профессор-оқытыўшылар ҳәм хызметкерлерден шөлкемлестириледи;
- Бөлим руўхыйлық ҳәм ағартыўшылық ислери бойынша проректор басшылығында жумыс алып барады;
- Өз жумысларын жолға қойыўда бөлим факультет деканлары, бөлим баслықлары, кафедра баслықлары ҳәм топар басшылары менен биргеликте жумыс алып барады;
- Жоқары ҳәм орта арнаўлы билим министрлиги жанындағы Руўхыйлық ҳәм ағартыўшылық бөлиминиң нызамы тийкарында жумыс алып барады; Усы жылдағы ҳәм келешектеги режелерине ийе болады.
Бөлимниң мақсети:
Студент-жасларды миллий ҳәм улыўма инсаный қәдириятларға садықлық руўхында тәрбиялаў, олардың руўхый, эстетикалық, әдеп-икрамлылық дүньяқарасын кеңейтиў, олардың санасын ҳәр түрли зыянлы идеялар тәсиринен қорғаў ҳәм де ғәрезсиз Өзбекстанның ҳақыйқый пидайысы болып жетистириўден ибарат.
Бөлимниң ўазыйпалары:
- Мәмлекетимизде әмелге асырылып атырған руўхый, мәдений жумысларға байланыслы илажларды өткериў;
- Студент-жаслар арасында әдеп-икрамлылық, эстетикалық, сиясий, ҳуқыкый, көркем тәрбияны қәлиплестириў жумысларын жолға қойыў;
- Миллий үрп-әдетлер, қәдириятлар негизинде алып барылып атырған әнжуманлар, сәўбетлесиўлер, ушырасыўлар шөлкемлестириў:
- Студентлердиң руўхый ҳәм физикалық жақтан қәлиплесиўин жоқарылатыў мақсетинде исленетуғын жумысларды жетилистириўге көмеклесиў;
- Университетте руўхый-ағартыўшылық тәрбиялық жумыслардың жөнелислерин белгилеў, оларға зәрүр норматив ҳүжжетлер ҳәм усыныслар ислеп шығыў;
- Республикалық руўхый-ағартыўшылық орайының қала, районлық бөлимлери ҳәм де мәмлекетимизде хызмет көрсетип атырған фондлар, жәмийетлик шөлкемлер менен биргеликте руўхый-ағартыўшылық жумысларын жетилистириўде қатнасыў.
Бөлимниң ҳуқықлары:
- Факультетлердеги руўхый-ағартыўшылық жумысларын қадағалаў;
- Руўхый-ағартыўшылық жумысларына байланыслы министрлик буйрықлары ҳәм көрсетпелериниң факультетлердеги орынланыўын тексериў;
- Деканның руўхый-ағартыўшылық ислери бойынша декан орынбасарларын сайлаў ҳәм де ўазыйпалардан азат қылыўға байланыслы жыйналысларда турақлы түрде өз усыныслары менен қатнасады;
- Руўхый-ағартыўшылық мәселелер бойынша факультет деканлары ҳәм кафедра баслықларына көрсетпелер, усыныслар береди;
- Профессор-оқытыўшылардың жыллық оқыў жүклемелеринде «Руўхый-ағартыўшылық жумыслар» тараўына тийисли бәнтиниң толық орынланыўын қадағалайды ҳәм баҳалап барады;
- Руўхый-ағартыўшылық ислер бойынша декан орынбасарлары алып баратуғын жумыслар бойынша ҳәр семестр жуўмағында бөлим баслығына есабат береди;
- Руўхый-ағартыўшылық жумысларын жетилистириўде жақсы баслама көрсеткен факультет, бөлим ҳәм кафедра жәмәәти белсендилерин руўхый ҳәм материаллық жақтан хошаметлеўге усыныслар береди.
