Усы жылдың 1-май сәнесинде Бердақ атындағы Қарақалпақ мәмлекетлик университетиниң магистратура бөлими «Өзбекстан тарийхы» қәнигелигиниң 1-курс магистрантлары И.В.Савицкий атындағы Қарақалпақстан республикасы көркем-өнер музейинде көшпели сабақ болып өтти.

Сабақта «Өзбекстан ҳәм Қарақалпақстан тарийхы» кафедрасының доценти, тарийх илимлериниң кандидаты Жолмурза Ҳакимниязов 1-курс магистрантларына «Қарақалпақлардыӊ XVII-XIX әсирлердеги мәдений ҳәм руўхый мәденияты» пәнинен түсиниклер берип өтти.

Бундай көшпели сабақларды өтиўден гөзленген мақсет – ҳүрметли Президентимиз басшылығында 2019-жыл 19-мартта болып өткен видеоселектор мәжлисиниң 12-санлы баянламасы 10-бантинде белгиленген тапсырмалардың орынланыўын тәмийинлеў ҳәм жоқары оқыў орынларында тарийх, архитектура, қурылыс бойынша әмелий сабақларды темаларға сай рәўиште тийисли орынларда өткериўден ибарат.

Илаж даўамында олар қарақалпақ халқының материаллық ҳәм руўхый мәденияты үлгилери менен жақыннан танысты ҳәмде бул бойынша көплеген қымбатлы мағлыўматларға ийе болды.

Бул саяхат магистрантларда миллий мақтаныш сезимлерин пайда етти ҳәм үлкен тәсирлер қалдырды.

Жумабек Жангабаев,

ҚМУ магистранты.