Ҳүрметли Президентимиз басламасы менен жасларымызды китап оқыўға қызықтырыў мақсетинде республикамыз бойлап ҳәр қыйлы акциялар шөлкемлестирилип, бул бүгинги күни даўам етпекте.

Усындай «Мектебиме китаплар саўға етемен» акциясының гезектеги қатнасыўшылары университетимиздиң Физика-математика факультетиниң үлкен оқытыўшысы Камила Бегжанова, Дене мәденияты факультетиниң ассистенти Разатдин Бердимуратов ҳәм Қарақалпақ филологиясы факультетиниң доценти Шарапат Хожановлар болды.

Олар өзлери билим алған Кегейли районлық ХББне қараслы 7-санлы (бурынғы Свердлов атындағы) мектепке өзлериниң авторлығындағы, сондай-ақ, республикамызға ҳәм дүньяға белгили жазыўшы ҳәм шайырлардың авторлығындағы көплеп китапларды саўға етти.

Кеше соңында мектеп оқыўшылары менен сораў-жуўаплар болды.

Г.Уснатдинова,

Физ-мат 2-курс студенти.