Studentlik – altin da’wir.

Mine, usi da’wirdin’ o’z aldina belgilenetug’in bayrami bar. Biz bul sa’neni o’mirimiz dawaminda 4 ma’rte g’ana belgilew imkaniyatimiz bar. Olda bolsa 17-noyabr – xaliqaraliq studentler ku’ni.

Sa’ne mu’nasebeti menen shet-tiller fakultetinde fakultet jetekshisi Jamshid Rizayev basshilig’inda bayram keshesi bolip o’tti. Keshede fakultet dekani Dj.Qurbanbaev so’zge shig’ip, kesheni ashiq dep ja’riyaladi ha’m student-jaslardi bayram menen qutliqladi.

Onnan son’ shet-tiller fakulteti «Dilmash international» komandasi o’zlerinin’ yumorg’a bay ha’m ta’rbiyaliq a’hmiyetke iye bolg’an saxnaliq ko’rinislerin jiynalg’anlar na’zerine usindi. Ja’ne de, soni aytip o’tiw kerek, shet-tiller fakulteti studet-qizlari o’z ayaq-oyinlari menen bayramg’a ele de ko’terin’ki ruwx ina’m etti.

Keshe son’inda bir qatar belsendi studentler alg’islanip, “Hu’rmet jarliqlari” menen siyliqlandi.

Aydana Allambergenova,

Shet-tiller fakulteti studenti.