2020-jılı 28-fevral kúni Tashkent qalasında Inha universitetinde Ózbekstan Respublikası Máhálle hám shańaraqtı qollap-quwatlaw ministrligi hám Ózbekstan ixtirochi hayalları orayı tárepinen shólkemlestirilgen «Ózbekstan hayallarınıń 100 eń jaqsı innovacialıq joybarı» III respublika tańlawı jeńimpazların xoshemetlew ilajı bolıp ótti.
Tańlawdıń birinshi basqıshında mámleketimiz ekonomika hám bilimlendiriw tarawlarında óziniń texnikalıq joybarları, racianalizatorlıq usınısları, innovacialıq islenbelerin ámelge engiziw jolinda miynet etip atırǵan 4 mıńnan aslam hayal-qızlar óziniń oylap tabılıwları, innovaciyalıq ideyaları hám joybarları menen qatnastı. Eń jaqsı dóretiwshilik jumıslar, tabilmalar, islenbeler avtorları joybardıń aqırǵı basqıshına usınıldı. Qaraqalpaqstan Respublikasınan 11-hayal-qızlar respublika basqıshına jollama aldı. Sonıń ishinde universitetimizden 4 professor-oqıtıwshılarımız ózleriniń dóretiwshilik jumısları menen Qaraqalpaqstan Respublikası basqıshında jeńip shıqtı.
Turin universitetinde shólkemlestirilgen kórgizbede Ózbekistan Respublikası Máhálle hám shańaraqtı qollap-quwatlaw ministriniń birinshi orınbasarı Basitxanova Elmira Erkinovna hám bir qatar universitet hám shólkemlerdiń basshi hayalları, sonday-aq ilim doktorları bolǵan hayallar dóretiwshilik jumıslar, tabilmalar, islenbelerdi bahaladı. Universitet auditoriyalarında prezentaciyalardı qorǵaw ilajları bolıp ótti.
Tańlaw juwmaǵinda «Eń jaqsı ixtiro», «Eń jaqsı paydalı model», «Eń jaqsı sanaat úlgisi», «Eń jaqsı EEM ushın jaratılǵan programma hám maǵlıwmatlar bazası», «Eń paydalı innovatsiyalıq joybar» (ilim hám texnikanıń áhmiyetli baǵdarları boyınsha), «Eń jaqsı biznes joybar“ (ekonomikanıń túrli tarawları boyınsha), «Áwmetli start» (óz kishi kárxanalarında innovatsiyalıqónimlerdiiske asırmaqshı bolıp atırǵan isbilermen hayal qızlar ushın), «Ónerment hayal-qızlardıń eń jaqsı innovaciyalıq joybarı», «Social tarawdaǵı eń jaqsı innovaciyalıq joybar», «Ziyrek qızdıń perspektivalı innovacialq ideyası» kibi nominaciyalar boyınsha jeńimpazlar sıylıqlandı.
Qaraqalpaqstan Respublikasınan 7 hayal-qız jeńimpaz bolıp, solardan 2 qız universitetimizdiń atınan qatnasıp jeńimpaz bolıw baxtına eristi:
Bekmuratova Zúlfiya Tlewmuratovna – Ximiyalıq texnologiyalar kafedrası úlken oqıtıwshısı, tańlawda óziniń «Medicinada paydalanılatuǵın tekstil ónimi» menen «Eń jaqsı oylap tabılıw» yaǵniy eń jaqsı sanaat úlgisi menen;
Baltabaeva Rano Bekbawlievna-Ámeliy matematika kafedrası assistent oqıtıwshısı, tańlawda «Mektep –joqarı oqıw ornı» sistemasında informatika hám informaciyalıq texnologiyalar pánin oqıtıwdıń úzliksizlik modelin ámelge endiriw joybаrı menen «Bilimlendiriw tarawındaǵı eń paydalı innovacialıq joybar» nominaciyası boyınsha jeńimpaz bolıw baxtına eristi.
Tańlaw jeńimpazların universitet rektori bayram keshesinde qızǵın qutlıqladı.
