Жақында Бердақ атындағы Қарақалпақ мәмлекетлик университетинде “Мен не ушын сүйемен Өзбекстанды” атамасындағы гүрриңлер таңлаўының университет басқышы онлайн тәризде өткерилип, онда жеңимпазлар анықланды
Таңлаўдың биринши басқышы дәслеп университет факультетлери ҳәм академиялық лицейинде өткерилип, онда 1-2-3-орынларды ийелеген жаслардың дөретиўшилик ислери екинши басқышқа қабыл етилди ҳәм тәжирийбели Төрешилер ағзалары тәрепинен ылайықлы баҳаланып барылды.
Таңлаў жуўмағында Қарақалпақ тили ҳәм журналистика факультети 2-курс студенти Г.Абдреймова 48 балл менен 1-орын, Техника факультети 1-курс студенти С.Қудиярова ҳәм Шет тиллери факультети 1-курс студенти Д.Бегдуллаева 45 балл менен 2-орын, Дене мәденияты факультети 1-курс студенти Ш.Алланазарова ҳәм Шет тиллери факультети 3-курс студенти Б.Мауленбергенова 43 балл менен 3-орынды ийелеп, университет ректораты тәрепинен Ҳүрмет жарлықлары менен сыйлықланды.

Шахноза Толыбаева.