Bugin 19-oktyabr kuni Fizika fakulteti studentleri menen zoom platformasinda koonferenciya shólkemlestirildi. Koonferenciya temasi Ózbekstan Respublikasi Prezidenti Shavkat Mirziyoyevtiñ Birlesken Milletler Shólkemi Bas Assembleyasiniñ 75-sessiyasindaği bayanati boldi. Koonferenenciyada «Milliy ğarezsizlik ideasi ruwxiyliq tiykarlari hám huqiq tálimi» kafedrasi assistenti T.Abdullaev, «Insan huqiqlari, mámleketlik huqiq hám basqariw» kafedrasi assistenti R.Qawqishev hám Fizika qánigeligi 1-kurs magistranti D.Sársenbaev miymanda boldi. Fizika fakuletiniñ 1-2-3-4-basqish studentleri hám oqtiwshilar koonferenenciyağa qatnasti. Koonferenciya dáslep fakulet dekaniniñ aship beriw sózleri menen baslandi. Soñ miyman T.Abdullaev Prezidentdiñ bayanatin student jaslarğa tanistirdi. Bul bayanatda Aral mashqalasi, kambağalliqti saplastiriw tuwrali aytqan pikirlerin studentlerge túsindirip berdi. Koonferenciya dawaminda miyman R.Qawqishev 2020-jil 23-sentyabr kúngi «Bilimlendiriw haqqinda»ği УРК -637-san Nizam mazmun-mánisi menen tanistirip, túsindirip ótdi. Bilim beriw túrleri, tálim aliw bağdarlarinda ámelge asirilip atirğan is-ilajlar haqqinda túsinik berdi. Soñ fakulet belsendisi D.Sársenbaev Ózbekstan Respublikasi Oliy Majlis Senati janinda «Jaslar parlamenti»n shólkemlestiriw haqqindaği Nizam mazmun-mánisin túsindirdi hám búgingi kúnde olardiñ iskerligi haqqinda mağliwmatlar berdi. Jaslar parlamentindegi komitetler hám alip barip atirğan jumislari tuwrali túsinik berdi. Studentlerge bul maseleler boyinsha keñ túsinik berildi. Student jaslar ózlerin qiziqtirğan sorawlarin miymanlarğa berdi hám tiyisli juwaplar aldi. Bul koonferenciyada student jaslar jañadan ózgeriske ushirağan hám payda bolğan nizam hám xabarlar menen tanisti. Student jaslar bul koonferenciya arqali kerek mağliwmatlarğa iye.

Fizika fakulteti
fizika qánigeliginiñ
2a1-topar studenti
Omarova Raxima