Xalqımızda «O’li sıylağan bay bolar» degen hikmetli gàp astında ùlken màni bar. Sebebi bizler òtmishimizdi, tariyxımızdı bilmey turıp keleshegimizdi kòre almaymız. Ata-babalarımızdıñ qàbirlerin zıyaratlaw, ruwhlarına arnap quran oqıtıw, biz jaslardıñ minnetli wazıypalarımız esaplanadı.

   Usı maqsette biz «2-C ximiya» qàniygeligi talabaları topar basshımız Z.Uzaqbergenova  menen «Shorsha baba» qàbristanına ziyaratqa bardıq. Bul ziyarat maydanında Berdaq atındaģı Qaraqalpaq màmleketlik Universtitetiniñ birinshi rektorı Charjau Abdirovtıñ qàbirine bardıq.

   Charjau Abdirov  xalqımızģa  miyneti singenligi ushın  bul insannıñ atına arnap Ch.Abdirov kòshesi qoyıldı. Ziyarat dawamında Òzbekstan hàm Qaraqalpaqstan qaharmanı bolģan Ibrayim Yusupovtıñ da qàbirine barıp,  basında quran oqıldı.  Shayır Ibrayim Yusupov ta pidayı insan bolģanlıģı sebepli, shayırdıñ atına baģıshlanģan qàniygelestirilgen mektep ashıldı. Soñınan  Joqarģı Keñestiñ burınģı baslıģı Musa Erniyazovtıñ da qàbirin ziyaratlap, ruwhların shad ettik. Ustazımız marhumnıñ pidayı miynetlerin aytıp berdi.  Prezidentimiz aytqanınday «Qaharman xalqtıñ – qaharman basshısı» degen so’zi ziyaratlaw barısında o’z mànisin taptı.  

Jaslarımızdın’ ziyaratlaw orınlarına barıp, marhumlardı ziyaratlawı olardıñ tàrbiyalıq tàreplerıne de ùlken tàsir kòrsetedi. Sebebi jaslar milliylikti, mànawiyattı hàm de òzligimizdi añlawdaģı zàrùr wazıypalardı tereñ tùrde tùsinip aladı.

Òtkenlerdiñ ismin eslep, yad etip,

Duwa qılıp, sawap etseñ arzıydı.

Ullı babamızdıñ ruwhın shad etip,

Basqan izin tawap etseñ arzıydı.

Ximiya-texnologiya fakulteti,

2-kurs studenti Najimova Saltanat.