Qaraqalpaqstan Respublikası Málimleme-kitapxana orayında «Ádebiyat jasasa, millet jasaydı» atamasında ushrasıw keshesi bolıp ótti. Keshege Qaraqalpaqstan Respublikasına miyneti sińgen mádeniyat xızmetkeri, Ózbekistan Respublikasına xızmet kórsetken jurnalist, Joqarǵı Keńestiń deputatı, shayıra Altıngúl Óteniyazova, Berdaq atındaǵı Qaraqalpaq Mámleketlik Universiteti «Kitapqumarlar» klubı basshısı Rawshan Kalmurzaeva hám usı klub aǵzaları belsendi qatnastı. Kesheni Elektron resurslar hám olardan paydalanıw zalı sektorı baslıǵı Lola Pirnazarova ashtı hám alıp bardı.
Qaraqalpaqstan Respublikasına miyneti sińgen mádeniyat xızmetkeri, Ózbekistan Respublikasına xızmet kórsetken jurnalist Altıngúl Óteniyazova óziniń ómir jolı hám dóretiwshiligi haqqında aytıp berdi.
Ushırasıw sońında qatnasıwshılar ózleriniń qızıqtırǵan sorawların berip, juwaplar aldı. Keshe qızıqlı sáwbetlerge bay boldı.
Aynura Orazbaeva
«Kitapqumarlar» klubı jetekshisi,
Qaraqalpaq filologiyası hám jurnalistika fakulteti 2-kurs studenti.
