Berdaq atındaĝı Qaraqalpaq ma’mleketlik universiteti Geografiya ha’m Tabiyiy resurslar fakulteti studentleri menen Ma’deniyat sarayında «Ekstremizm ha’m terrorizm jaslar keleshegine qa’wip» atamasında ushırasıw bolıp o’tti.
Ushırasıwdı fakultet dekanı N.Embergenov ashıp berdi ha’m bu’gingi ku’nde jaslar jat illetler ta’sirine tu’sip qalıwı na’tiyjesinde ju’z berip atırĝan jınayatlar haqqında aytip o’tti. Student jaslar arasında usınday jınayatlardın’ aldın alıw ha’m olarĝa qarsı gu’resiw maqsetinde fakultet ko’leminde o’tkerilip atırĝan is ilajlar haqqında toqtalıp o’tti. Ushırasıwda birinshi ma’sele boyınsha Qaraqalpaqstan Musılmanları Qazıyatı imam orınbasarı A.Jolawshiev «Diniy ekstremizm ha’m onın’ unamsız aqıbetleri» atamasında o’z bayanatı menen qatnastı. Sonday-aq, bul ma’sele boyınsha QR IIM Terrorizm ha’m ekstremizmge qarsı gu’resiw basqarmasınan podpolkovnik S.Tanabergenov, mayor D.Palekeev, kapitan T.Kengesbaevlar «Internet ha’m onın’ jaslar ta’rbiyasındaĝı a’hmiyeti» atamasındaĝı bayanatları menen qatnasıp, bu’gingi ku’nde internettin’ paydalı ha’m unamsız ta’repleri haqqında toqtalıp, jaslardın’ internet penen uzaq waqıt ba’nt bolıwları, onın’ insan ruwxıyatına qaran’ĝılıq salıwı ha’m o’z qabıĝına oralıp alıwları boyınsha tu’sinik berip o’tti.
Ushırasıwda ekinshi ma’sele boyınsha Qaraqalpaq ma’mleketlik u’niversiteti Hayal-qızlar ma’seleleri boyınsha rektor ma’sla’ha’tshisi I.Seiytnazarova ha’m QMU jaslar menen islesiw boyınsha prorektor S.Alawatdinovlar shıgıp so’ylep, universitet jaslardın’ ha’zirgi ku’nde oqıwĝa formasız keliwleri, ayırım fakultetler studentleri arasında ju’z berip atırĝan unamsız jaĝdaylar haqqında toqtalip o’ttiler. «5 baslama» boyınsha fakultettin’ 2-kurs studenti D.Knazbaeva so’zge shıĝıp, ha’zirgi ku’nde jaslarga jaratılıp atırĝan imkaniyatlar haqqında aytıp, sol imkaniyattan u’nemli tu’rde paydalanıw kerek ekenligin, sonday-aq, o’zinin’ sport tarawındaĝı jetiskenshilikleri haqqında aytıp o’tti.
Student jaslarĝa Diniy ekstremizmnin’ unamsız jaĝdayları haqqında videorolikler qoyıp berildi.
Ushırasıw son’ında student jaslar o’zlerin qızıqtırĝan sorawlarına tiyisli taraw qa’niygelerinen juwaplar aldı. Jaslar menen ushırasıw mazmunlı bolip o’tti.
Geodeziya, kartografiya ha’m kadastr qa’niygeligi 2-a kurs studenti
Zuxra Seitbekova
