Berdaq atındaģı Qaraqalpaq màmleketlik universitetiniń ximiya-texnologiya fakulteti ximiya baģdarı 1-«C» topar studentleriniń ata-analar qatnasında jiynalıs bolıp òtti. Jynalıstı fakultet dekanı  Baxtiyar Nurımbetov ashıp berdi hàm sòz basında studentlerdi hàm ata-analardı  birinshi semestirdi jaqsı juwmaqlap alģanı menen qutlıqlap , olarģa aldındaģı oqıwlarında da   tabıslar tiledi .

Soń bolsa jiynalıstıń tiykarģı maqset hàm wazıypaları haqqında keńnen tùsinikler berip òtti .

Modul Kridit sisteması dùnyanıń kòplegen màmleketleriniń oqıw joybarında òziniń unamlı nàtiyjelerin kòrsetıp atır. Bıyılģı  2021-jıldan baslap Kridit Modul sisteması Òzbekstan Respublikasindaģı barlıq Joqarı oqıw orınlarınıń birinshi kurslarınıń oqıw joybarına kiritilgenligi de tosınnan emes .Bul eñ aldı menen  jaslardı bilimge tuwrı baģdarlaw , oqıw sistemasında korupciyanıń aldın alıw , sonıń menen bir qatarda student jaslardıń tek ģana diplom ushın emes , balkim ertengi jarqın keleshek ushın oqıwģa tırısıwın tàmiynlewge qaratılģan unamlı baslamalardıń biri edi.

 Jıynalıs barısında fakultet dekanı bul sistema  haqqında ata-analarģa keńnen tùsinik berip òtti . Sońınan ata-analar òzlerin qızıqtırgan sorawlarģa , Baxtıyar Nurımetovtan tolıq juwaplar aldı.

Bunnan keyin fakultet hayal qızlar shòlkemi Jetekshisi Qàlımbetova Rayxan sòzge shıģıp qızlardıń àdebi sòylew màdeniyati , kiyiniw , haqqında òziniń pikir hám usınısların aytıp òtti.

Jıynalıs barısında ata-analar tàlim hàm tarbiyaģa baylanıslı ózlerin qızıqtırg’an sorawlarģa Dekan orınbasarı Ğulamjan Sultanovtan tolıq juwaplar alıp, bir qatar òzleriniń usınısların da aytıp òtti. Qızģın soraw-juwaplar menen òtken ata-analar jıynalısın topar basshısı Òtkir Tanatarov òziniń ata-analarģa arnalģan minnetdarshılıģı menen juwmaqlap berdi hàm olarģa òzleriniń qımbatlı waqtların bòlip kelgenligi ushın raxmet ayttı. Jiynalıs sońında ata-analar pikirler almastı.

Har bir qùdiretli màmlekettiń ertesi bul albette bùgingi jaslar. Solay eken  bùgin biz qoyıp atırģan hàr bir tuwrı hàm maqsetli qàdem keleshegimizdiń nàriwanı bolıp xizmet eteri sòzsiz . Demek bizden hàzir talap etiletuģin baslı wazıypa , hesh nàrsege shalĝımastan tuwrı jolda tereń bilim alıp, onı àmelyatta qollaw hàm kùtkenimizden  de artıq nàteyjelerge erisiw .

Ximiya-texnologiya fakulteti

  1-«C» ximiya studenti Matniyazova Shaxsanem.