2020-jıl 29-dekabr kúni Prezidentimiz Oliy Majliske Múráájatinde 2021-jıldı «Jaslardı qollap-quwatlaw hám xalıq salamatlıǵın bekkemlew jılı» dep atawdı usınıs etken edi. Bunnan basqa da bul Múráájatnamada fizikaǵa hám shet tillerdi úyreniwge itibar qaratqan edi hám 2021-jıldı qosımsha at penen «Fizikanı hám shet tillerin úyreniw jılı» dep belgilep bergen edi. Mine usı korsetpege tiykarlanıp universitetimiz fizika fakulteti ustazları basshılıǵında 3-mart kúni «Yadro fizikasına 125 jil» atamasında konferenciya shólkemlestirildi.

 Koonferenciya keshesin fakultet dekanı A.Muratov ashıp berdi. Soń studentler tárepinen yadro fizikası tuwralı maǵlıwmatlar aytıldı.

Bunnan 125 jıl aldın 1-mart sánesinde A.Bekkerel tárepinen uran atomı tawılıp yadro fizikasına tiykar salınǵan edi. Mine usı sáneni keń túrde belgilew maqsetinde fizika fakulteti studentlerin 4 toparǵa bóldi. Yaǵnıy olar

1. Fizika qániygeliginiń studentlerinen dúzilgen «Fizik alımlar» toparı.
2. Energetika qániygeligi studentlerinen dúzilgen «Energetikler» toparı.
3. Metrologiya hám elektr texnikası qániygeligi studentlerinen dúzilgen «Ekologlar» toparı.
4. Fizika fakulteti magistrlarınan dúzilgen «Medikler» toparı boldı.

    Bul 4 toparǵa óz qániygeligi oqtıwshılarınan trenerler bekitilgen edi. Bul trenerler basshılıǵında topar aǵzaları  «Atom elektr stanciyası kerek pe, kerek emes pe?» atamasında birlestirilgen AES boyınsha aldınnan dúzilip tarqatılǵan sorawlarǵa  ózleri islep kelgen prezentaciyalar arqalı juwap berdi hám  tayarlap kelgen maketlerin konferenciya qatnasıwshılarına kórsetti.  Bul konferenciya keshesi Cassy metodı arqalı ótkerildi.

  Konferenciya keshesin Cassy metodı arqalı ótkeriw hám aktual mashqala esaplanǵan AES ler tuwrali túsinikke iye bolıw kerek degen maqsette fizika fakulteti docenti B.Jollibekov usınıs etken edi. Bul usınıs óz nátiyjesin berdi dep ayta alamız, sebebi konferenciya keshesi qatnasıwshıları yadro fizikası hám AESler tuwralı túsinikke iye boldı.

    Konferenciya keshesi juwmaǵında 4 toparda belsene qatnasqanı ushın fizika fakulteti atınan alǵısnama menen  sıylıqlandı.

 Docent B.Jollibekov da bul usınıstı berip konferenciya keshesin shólkemlestirgeni ushın fakultet tárepinen alǵısnama menen sıylıqlandı.

   Bul konferenciya keshesi júdá paydalı boldı, studentler kóplegen maǵlıwmat hám baslanǵısh túsinikke iye boldı.

                                                                                                                                                                                Fizika fakulteti 2-kurs studenti

                                                                                                                                                                                                              Omarova Raxima