Berdaq atındag’ı Qaraqalpaq ma’mleketlik universiteti ma’deniyat sarayında O’zbekstan Respublikası Ilimler Akademiyası Prezidenti, fizika–matematika ilimleri doktorı, professor, akademik   Bexzod Yuldoshev  Sodikovichtın’ qatnasıwında ushırasıw bolıp o’tti.

Ushırasıwg’a Qaraqalpaqstan Respublikasındag’ı barlıq joqarı oqıw orınlarının’ rektorları, professor-oqıtıwshılar, tayanısh doktorant ha’m doktorantlar, magistrler ha’m barlıq Joqarı oqıw orınlarınan qa’biletli student jasları qatınastı.

       Ushırasıwdın’ da’slepki  basqıshında Bexzod Yuldoshev ila’j qatnasıwshılarına o’zinin’ tayarlap kelgen THE STRUCTURE OF  MATTER AND UNIVERSE (materiya ha’m a’lem du’zilisi) atamasındag’ı  prezentaciyası  menen tanıstırıp, ken’ tu’rde  mag‘luwmatlar berip o‘tti.

Ushırasıwdın’ kelesi basqıshında Berdaq atındag‘i Qaraqalpaq ma‘mleketlik universitetinin‘ rektorı Axmed Reymov Mambetkarimovich so‘zge shıg‘ıp, bu’gingi ushrasıwdın‘ a’hmiyetin joqarı bahalap, ilimdi rawajlandırıw jolında ma’mleketimiz ta’repinen jaratılıp atırg’an imkaniyatlar ha’m aldımızda turg’an  maqset– wazıypalar haqqında aytıp o‘tti.

         Ha’mmemizge ma’lim usı jılı ma’mleketimizde fizika ha’m shet tillerin u’yreniw baslı bag’dar etip belgilep berilgenlikten bu’gingi ku’ni bul bag’darda ko’lemli jumıslar isleniwi na’zerde tutılg’an. Ushırasıwda O’zbekstan Respublikası Ilimler Akademiyası Prezidenti, akademik Bexzod Yuldoshev Qaraqalpaqstannın’ professor–oqıtıwshıları, tayanısh doktorant ha’m doktorantları, magistrler ha’m qa’biletli student jasları menen pikir almasıw maqsetinde pikir–usınısların tın’lap, olardın’ sorawlarına anıq juwaplar  berdi.  

            Ushırasıwg’a O’zbekstan Respublikası Ilimler Akademiyasının’ fizika–matematika ilimleri boyınsha viceprezidenti, fizika–matematika ilimleri doktorı, professor  Sirojiddin Mirzaev  Zaynievich ha’m  O’zbekstan Respublikası Ilimler Akademiyası Qaraqalpaqstan bo’limi prezidumı baslıg’ı, akademik Nag’met Ayımbetov  qatnastı.

         Ushırasıw qızg‘ın soraw juwaplarg‘a, o‘z–ara pikir alısıwlarg‘a bay boldı.

                                                                                                                                QMU studentleri

                                                                                                                                       А. Begdullaeva,

                                                                                                                                        K Qanatova.