Бердақ атындағы Қарақалпақ мәмлекетлик университетиниң Өзбек филологиясы факультети қазақ тили хәм әдебияты кафедрасы профессор-оқытыўшылары ҳәм қазақ тили тәлим бағдарлары студентлери тәрепинен қазақ поэзиясының атақлы шайыры Муқағали Мақатаевтың туўылғанына 90 жыл толыўы мүнәсибети менен «Есиңе мени алғайсың» атлы әдебий кеше  өткерилди.

Әдебий кешени Өзбек филологиясы факультети деканы М.Қурбаниязов ашып берди. Әдебий кешеде университеттиң Қазақ тили хәм әдебияты кафедрасы оқытыўшысы Ш.Смамутова «М.Мақатаев хәм қарақалпақ әдебияты», Әжинияз атындағы Нѳкис мәмлекетлик педагогика институтының Қазақ тили ҳәм әдебияты кафедрасы доценти Т.Торткулбаева «Муқағали мурасы – сөз маржаны»,        Әдебияттаныў (қазақ әдебияты) 1-курс магистранты Н.Буркитова «М.Мақатаевтың арнаў қосықлары» деген темаларда баянат жасады.

Кешениң екинши бөлиминде Бердақ атындағы Қарақалпақ мәмлекетлик университети Өзбек филологиясы факультети ҳәм Көркем өнер факультети студентлери тәрепинен шайыр дөретпелеринен үзиндилер оқылды, сахналық көринислер көрсетилди ҳәм нама жазылған қосықлары айтылды. Сондай-ақ, кешеге республикаға белгили «Бесқала қыранлары» топарының музыкант жигитлери өз қосықлары менен қатнасты.