Usı jıldıñ 8-aprel kùni Qaraqalpaq màmleketlik universitetiniñ Sanaat texnologiyası ha’m Arxitektura fakultetleri Hayal-qızlar keñesi baslaması menen shòlkemlestirilip atırģan hayal-qızlar arasında jınayatshılıq hàm huqıqbuzarlıqtıñ aldın alıw, sezim mùnàsebetleri, hayal-qızlardıñ kiyiniw màdenyatı màselelerine arnalģan ashıq sàwbetlesiw bolıp òtti.

Bul sàwbetlesiwge universitet ha’m fakultetimizdiñ bir qatar professor oqıtıwshıları, student qızları qatnastı. Bul ilajdı òtkeriwden maqset student qızlar arasında ushırasatuģın huqıqbuzarlıqlar hàm hàr qıylı kewilsiz hàdiyselerdiñ aldın ala shara kòriwge qaratılģan.

Sàwbetti QMU rektorının’ hayal-qızlar ma’seleleri boyınsha ma’sla’ha’tshisi, Universitet hayal-qızlar keñesi baslıģı I.Seytnazarova ashıp berdi.

Sàwbetlesiw keshesin Qaraqalpaqstan Musılmanlar Qaziyatı hayal-qızlar màseleleri boyınsha qazı orınbasarı T.Dosımbetova, Nòkis qalası ishki isler organları jumısların muwapıqlastırıw basqarması 3-sanlı ishki isler bòlimi baslıģı B.Bolatov, Universitet psixologı G. Reymbaevalar qatnastı hàm shıģıp sòz sòyledi. No’kis qalası 3 sanlı ishki isler bo’limi baslıg’ı B.Bolatov jınayatshılıqtın’ aldın alıw ushın hazirgi ku’ndegi islenip atırgan ila’jlar haqqında ken’nen toqtap o’tti. B.Bolatov ha’zirgi ku’nde bolıp atırg’an jınayat ha’m huquq buzarlıq qılıp atırg’anlar ishinde derlik student jaslar joqlıg’in aytıp quwanıshlı ekenligin bildirip, jıynalg’an miymanlarg’a jaqsı tileklerin bildirdi.

Sàwbet jùdà qızıqlı bolıp òtti. Bunda student qızlarımız  ozleriniñ qızıqtırģan sorawlarına juwap aldı hàm pikir hàm usınısların ayttı.

  Sanaat texnologiyası fakulteti

 4-kurs studenti O’.Bektursinov