Universitetimizdiń Málimleme- resurs orayında «Kitapqumarlar» klubı aǵzaları tárepinen Qaraqalpaq ádebiyatınıń eń kórnekli wákillerinen biri, klassik shayır Ájiniyaz Qosıbay ulı tuwılǵanlıǵına 197 jıl tolıw múnásebeti menen ádebiy keshe shólkemlestirildi. Ádebiy kesheni ashıp beriw ushın Jaslar menen islesiw prorektorı Saxawatdin Alawatdinov, Málimleme-resurs orayı direktorı Naǵıyma Sharigatovalar shıģıp sóyledi.
Ilajǵa Nókis qalasında jaylasqan 27-sanlı ulıwma orta bilimberiw mektebiniń hám Ibrayim Yusupov atındaǵı dóretiwshilik mektebiniń oqıwshıları qatnastı.
Kelgen miymanlarǵa, student jaslarǵa shayırdıń ómiri hám dóretiwshiligine baylanıslı bayanatlar hám qosıqlar oqıp berildi. «Kitapqumarlar» klubı aǵzaları tárepinen qaraqalpaq xalıq milliy ayaq oyınları hám Ájiniyazdıń Qiz Meńesh penen aytısları saxnalıq kórinislerde atqarıldı. Keshe jumaqlanǵannan soń «Kitapqumarlar» klubı aǵzaları hám mektep oqıwshıları birgelikte universitetimizdiń Málimleme-resurs orayınıń imkániyatları menen tanısıw maqsetinde sayaxat etti.
Bunday ádebiy kesheler jaslardıń mánáwiy dúnyasın jáne de asıradı hám shayır miyrasları ele de máńgi saqlanıp qaladı.
Joldasova Fatima
Berdaq atındaǵı QMU
Biologiya fakulteti studenti,
«Kitapqumarlar» klubı aǵzası.
