Ózbekstan Respublikası Prezidentiniń 2021-jil 13-apreldegi «Mámleketimizde jaslar bántligin támiyinlew hám bos waqıtların mazmunlı shólkemlestiriw is-ilajları»na  baǵıshlanǵan video selektor  májlisindegi «Joqarı oqıw orınları máhalle jasları ushın mánawiy oray hám mádeniyat oshaǵı bolıwı kerek» degen baslamasın ámelge asırıw boyınsha Berdaq atındaǵı Qaraqalpaq mámleketlik universiteti fakultetlerine  Nókis qalası 3-sektorda jaylasqan máha’lleler birlestirilip berildi.

     Bul boyınsha fizika fakultetine «Xalıqlar doslıǵı» MPJ biriktirip berilgen bolıp, fakultet jaslar menen islesiw boyınsha dekan orınbasarı A.Yuldashev,  kuratorlar keńesi baslıǵı A.Esenbekov hám elektr texnikası hám metroligiyası assistent oqıtıwshısı U.Ótegenov penen birgelikte biriktirilgen MPJ baslıǵı M.Qabulova menen ushırastı hám bul jerde jasawshı jaslar dizimi bántligi, támiyinlenbegen jaslar dizimi qáliplestirildi.

   «Xalıqlar doslıǵı» MPJ da 18-30 jas aralıǵında jámi 743 jas bolıp, olardıń 366 jasın hayal-qızlar quraydı. Usı jaslardan «Jaslar dápteri»ne 25 jas kirgizilgen hám 22 bántligi támiyinlenbegen jaslar bar.

 Bul MPJ g’a barıwdan maqset  jaslardıń bántligin támiyinlew bolıp esaplanadı. Universitet tárepinen dúzilgen jol kartası boyınsha jaslardıń bántligin támiyinlew ushın MPJ baslıǵı menen birgelikte  islenetug’ın ilajlar dodalandı. Bul MPJ ǵa barıw arqalı materiallıq járdemge mútaj hám nágiranlıǵı bolǵan jaslar dizimi de qáliplestirildi.

   Bunday ámelge asırılıp atırılǵan ilajlar jaslardıń bántligin támiyinlew hám bos waqtın mazmunlı ótkeriwine sebepshi boladı.

    Fizika fakulteti

    2-kurs studenti

    Omarova Raxima.