Mámleketimiz basshısınıń «Joqarı oqıw orınları máhalle jasları ushin mánawiy oray hám mádeniyat oshaǵı bolıw kerek» -degen sózi menen jámlespegen jaslardı qamtıw boyınsha ilajlar dawam etpekte.
Fizika fakulteti Jaslar menen islesiw boyınsha dekan orınbasarı Azim Yuldashev fakultetke biriktirilgen «Xalıqlar doslıǵı» MPJ da bolıp, usı aymaqtaǵı jámlespegen jaslardıń úylerine kirip túsinik jumısların alıp bardı. Azim Yuldashev hár bir jas hám olardıń ata-anaları menen ushırasıp, olardıń nelerge qızıǵıwshılıǵı bar ekenin biliw hám olardı óz qızıǵıwshılıǵı boyınsha qamtıw ushın sáwbetlesiwler alıp bardı. Sóylesiwler dawamında jaslarǵa joqarı oqıw orınlarına tapsırıw boyınsha túsinikler berdi. Jaslardıń ózi tańlaǵan jónelisi boyınsha pánlerden biypul tayarlıq kurslarına qatnawın támiyinlew ushın olardıń dizimi dúzilip, túsinik jumısların alıp bardı.
Jaslar keleshegimiz tiykarshısı, sonıń ushın hár bir jastıń bántligin támiyinlew bizlerdiń tiykarǵı wazıypamız esaplanadı,-deydi fizika fakulteti jaslar menen islesiw boyınsha dekan orınbasarı A.Yuldashev.
Bunday alıp barılıp atırǵan ilajlar jámlespegen jaslardı jámiyetlik belsendiliklerge qamtıwǵa járdem beredi dep ayta alamız.

Fizika fakulteti
2-kurs studenti
Raxima Omarova