Berdaq atındaģı Qaraqalpaq màmleketlik universiteti qaraqalpaq filologiyası hàm jurnalistika fakultetine qaraslı 6-sanlı «Studentler turar jayı» nda «Òzbekstan qaharmanı» ataģı iyeleri I.Yusupov hàm T. Qayıpbergenovlardıñ tuwılģan kùnleri aldınan 27-aprel sànesinde àdebiy keshe òtkerildi.
Kesheni qaraqalpaq filologiyası hàm jurnalistika fakultetiniñ ruwxıylıq hàm jaslar menen islesiw boyınsha dekan orınbasarı Z.Jumanov ashtı. Qaraqalpaq àdebiyatı kafedrası docenti J. Saģiydullaeva sòzge shıģıp, eki ullı tulģanıñ milliy àdebiyatımızdaģı ornı, xalqımızdıñ, àsirese, jaslardıñ ruwxıy dùnyasın bayıtıwģa qosqan biybaha ùlesi hám bul ádebiy kesheni ótkeriwdiń maqseti haqqında aytıp òtti. Soñınan pedagog tàrbiyashı K.Erniyazova qos bayteregimizdiñ tuwılģanına 92 jıl tolıwı menen student jaslardı qızģın qutlıqladı.
Keshe barısında qaraqalpaq filologiyası hàm jurnalistika fakultetiniñ studentleri I.Yusupovtiñ qosıqların kòrkemlep oqıp, milliy ayaq oyınlarına oynap, kesheni kewilli tàrizde òtkerdi.
Jàne de àdebiy keshede I .Yusupov hàm T. Qayıpbergenovlardıń shıģarmaları boyınsha viktorina shòlkemlestirilip, bul basqıshta student jaslar ádebiy tulǵalardıń dóretiwshiligi haqqında bilimlerin sınap kórdi. Sonıñ menen birge jas dòretiwshiler òzleriniñ dòretken gùrriñ hàm qosıqların da oqıp berdi.
Sònbeytuģın poeziya hàm proza juldızları – I.Yusupov hám T.Qayıpbergenovlardıń shıģarmaları hàrbir insannıñ jùregine kirip barıp, onıń ruwxıy dúnyasın bayıtıp otıradı.
Usı orında aytıp òtiw kerek, I.Yusupovtan » Qosıqlarıñız nege bunsha mazalı degeninde ol: » Insan ushın eñ mazalı narse – bul uyqı. Al, men sol uyqımdaģı mazanı qosıgıma berip, tùni menen qosıq jazaman» degen edi.
Haqıyqatında da, insan erinsheklikten qutılıw ushın àdebiy shıģarmalardı kòbirek oqıw kerek. Student qızlarımız da bul eki tulģanıñ shıģarmalarınan ilham alıp, àdebiy kesheni sòz marjanları menen bezedi.
Àdebiy keshe juwmaģında ádebiyatshı J.Saǵıydullaeva shayır I.Yusupovtıñ «Adam uǵlı, óz kewlińdi shad áyle, Ashılsań, ashıla berer bu dúnya. Ashıq Ayaz ashıq júrsin qabaǵıń, Qapılsań qapıla berer bu dúnya» degen qatarların keltire otırıp, student jaslardıñ bir kùnin yadda qalarlıqtay òtkergeninligine unamlı qatnasın bildirdi.
Àdebiy keshe student qızlardıń atqarıwındaǵı I.Yusupovtiñ » Xalqım meniñ» qosıģı menen kòteriñki keypiyatta juwmaqlandı. Ótkerilgen keshe qatnasıwshılardıń yadında uzaq saqlanıp qalatuǵınına gúman joq.
Qaraqalpaq filologiyası hàm jurnalistika fakulteti
qaraqalpaq tili tálim baǵdarınıń 1g-toparı studenti Akimniyazova Zuxra.
