Ózbekstan Respublikası Prezidentiniń 2021-jıl 13-apreldegi «Mámleketimizde jaslar bántligin támiyinlew hám bos waqıtların mazmunlı shólkemlestiriw is-ilajları»na baǵıshlanǵan video- selektor májlisindegi «Joqarı oqıw orınları máhalle jasları ushın mánawiy oray hám mádeniyat oshaǵı bolıwı kerek» degen baslamasın ámelge asırıw boyınsha Berdaq atındaǵı Qaraqalpaq mámleketlik universiteti fakultetlerine Nókis qalası máhálleleri birlestirilip berildi.
Máhálleler mádeniyat hám bilim deregine aylanıwı kerek, bul ushın máhálle xalqı, tiykarınan jaslardıń kitapqa qızıǵıwshılıǵın asırıwımız zárúr,dedi prezidentimiz. Usı uran tiykarında Shet-tilleri fakultetiniń birqansha ziyrek studentleri fakulteti Jaslar awqamı jetekshisi I.Yusupbaev, Media komandası jetekshisi T.Oteshov hám “Kitapqumar”lar klubınıń jetekshisi A.Jienbaeva, Jaslar menen islesiw boyınsha dekan orınbasarı T.Kulniazov, fakultetimiz hayal-qizlar keńesi baslıǵı M.Ametova basshılıǵında “Aq otaw” MPJda jaslar menen ushırasıw ótkerildi. Ushırasıw dawamında jaslarǵa universitetimizdegi jaratılǵan shárayatlar, fakultetimizdegi jumıs alıp barıp atırǵan pán dógerekleri haqqında keńnen túsinik berildi.
Ushırasıw sońında bir qansha jaslar dógereklerge aǵza bolıw baxtına miyassar boldı. Ózlerin qızıqtırǵan sorawlarǵa juwaplar aldı.
Shet-tilleri fakulteti,
Awdarma teoriyasi hám ámeliyati
3-kurs.
