Ustazlar izinen baramız

Fizika fakultetiniń 2-basqısh fizika toparı studentleri «Fizikler» keshesin shólkemlestirdi. Bul keshe tiykarınan 9-may eslew hám qádirlew kúnine baylanıslı dúnyadan ótken ustazlardı eske alıp, olardıń islegen miynetlerin jaslarǵa órnek etip kórsetiw hám jumıslarin dawam ettiriw maqsetinde shólkemlestirildi. «Fizikler» keshesin fakultet dekanı ashıp berdi hám óz shıǵip sóylewinde fizika fakultetine miyneti sińgen ustazlardı keltirip ótdi. Fakultet dekanı A.Muratov óz sózinde » fakultetimizge miyneti sińgen ustazlar Bekbergen aǵa Bekbawliev, Arzuov Maxset aǵa, Ospanov Daniyar aǵa, Embergenov Biysenbay aǵa, Bekimbetov Ramet aǵa, Qaniyazov Sherniyaz aǵa, Duysenbaev Marat aǵalardı eske aldı hám barlıq student jaslardı usılardıń dawamshıları bolıwǵa shaqırıp qaldi».

Keshe dawamında student jaslar ózleriniń tayarlap kelgen fizikalıq tájiriybelerin islep kórsetdi, fizika boyınsha prezentaciyalar qoyıldı hám qosıqlar oqıldı.

Bunday kesheler student jaslardiń fizikaǵa bolǵan qızıǵıwshılıǵın arttırıp, elede fizikanıń rawajalanıwına sebepshi boladı.