Usı jılı 21-22 may ku`nleri Qaraqalpaq ma`mleketlik universiteti shet tilleri fakultetinde nemis tili oqıtıwshılarının’ mobil konferenciyası bolıp o`tti. Konferenciya Gyote institutının`  O`zbekstandag`ı filialı ha`m DAAD (Nemis akademiyalıq  almasıw xızmeti) ta`repinen sho`lkemlestirilip, tiykarınan Qaraqalpaqstan Respublikasındag`ı barlıq nemis tili oqıtıwshıları qatnastı.

Eki ku`n dawam etken ilajda Gyote ha`m   DAAD sho`lkemlerinin` jetik qa`nigeleri Farida Gabdulhakova, Sayora Turakulova, Simon Kretshmar ha`m Anton Umbach  ta`repinen  sheberlik sabaqları  o`tkerildi. Sheberlik sabaqları qızıqlı, mazmunlı bolıp o`tti ha`m oqıtıwshılarımız  birqansha  a`jayıp metodlar, zamanago`y sabaq o`tiw usılların  oyın tu`rlerin de o`tiwdi uyrendi.

Ilaj son`ında belsene qatnasqan nemis tili oqıtıwshıları bahalı sawg`alar menen sıylıqlandı.