Berdaq atíndag’ı Qaraqalpaq mámleketlik universiteti Shet tilleri fakulteti Awdarma teoriyası hám ámeliyatı baģdarı oqıtıwshı hám student jasları tárepinen Xojeli rayonlıq Mehribanlıq úyinde ullı qayır-saqawat is-ilajı shólkemlestirildi. Bul tiykarınan mehir-múriwbet kórsetiw hám 1-iyun «Xalıq aralıq balalardı qorģaw» kùni múnásibeti menen ámelge asırıldı. Onda oqıtıwshı hám student jaslar Mehribanlıq úyi tárbiyalanıwshıları ushın kiyimler, azıq-awqat hám hár qıylı sawģalar alıp bardı. Mehribanlıq úyi bas direktorı, tárbiyashılar hám tárbiyalanıwshı jaslar olardı kóterińki keypiyat penen kùtip aldı. Ilaj dawamında student jaslar hárqıylı sawģalı utılarģa tolı interaktiv oyınlar hám kewil kóteriwshi ayaq oyın saxnaların shólkemlestirip kúnniń ele de mazmunlı ótiwine óz úleslerin qostí.
Ilaj sońında Mehribanlıq u’yi jámááti shın kewilden minnetdarshılıq bildirdi. Al, tárbiyalanıwshı jaslar bolsa sheksiz quwanıshqa bólendi.
QMU, Shet tilleri fakulteti,
Awdarma teoriyası hám ámeliyatı baģdarı 101-topar studenti
Yusupova Diana.
