2021-жыл 10-август күни саат 1000 де Қарақалпақ мәмлекетлик университети жанындағы илимий дәрежелер бериўши DSc.03/30.04.2021.Fil.20.01 санлы Илимий кеңеси тийкарында 13.00.02 – «Тәлим ҳәм тәрбия теориясы ҳәм методикасы (филология илимлери)» қәнигелиги бойынша бир мәртелик Илимий кеңес мәжилиси онлайн(zoom) тәризде болады.
Мәжилисте Нөкис мәмлекетлик педагогикалық институтының Мектепке шекемги тәлим кафедрасының еркин излениўшиси Жумашева Гулнара Хамидуллаевнаның «Еки тиллик шараятында қарақалпақ тилинде сөйлесиў көнликпелерин қәлиплестириў (тәлим рус тилинде алып барылатуғын мектепке шекемги билимлендириў шөлкемлеринде ҳәм улыўма билим бериў мектеплериниң баслаўыш классларында)» деген темадағы педагогика илимлери докторы (DSc) илимий дәрежесин алыў ушын усынылған диссертация жумысының Илимий кеңесте қорғаўы болып өтеди.
