Búgin Tokio-2020 olimpiadasına sporttıń Qılıshpazlıq túri boyınsha qatnasqan, Berdaq atındaǵı Qaraqalpaq mámleketlik universiteti Dene mádeniyatı fakulteti 2-kurs studenti Sherzod Mamutovtı Nókis qalası aeroportında kútip alıw máresimi bolıp ótti. Oǵan ata-anası, jaqınları, fakultetimiz muǵallimleri hám student dosları qatnastı. Sherzodtı olimpiadaǵa qatnasıwday baxıtqa eriskenı ushın qutlıqlap, ata-anaları menen birgelikte estelik ushın súwretke túsip, bayramdı dawam ettirdik. Sherzodtıń kelesi olimpiadalarǵada qatnasıp, altın medal alıp elimiz bayraǵın kóklerge kóteriwine biz isenemiz.

Djanxodjaev Nurlan
Dene mádeniyatı fakulteti Jaslar menen islesiw boyınsha dekan orınbasarı