Universitetimizdiń Màlimleme resurs orayında «Kitapqumarlar» klubı aģzaları tàrepinen 2021-2022 oqıw jılı ushın ashılıw keshesi bolıp ótti. Kesheni jaslar menen islesiw prorektorı S.Allawatdinov hám Màlimleme resurs orayı direktorı N.Sharigatovalar ashıp berdi.

Keshede klub aģzaları 1 kurs studentlerdi klub iskerli hám dógerekleri menen tanıstırıp ótti.

«Kitapqumarlar» klubı bunnan 4 jıl aldın, yaģnıy, 2017- jılı 1-mart sánesinde Prezidentimizdiń 5 baslamasınıń 4- baģdarına tiykarlanģan halda Málimleme- resurs orayı bas kitapxanashısı R.Qalmurzaeva tárepınen shólkemlestirilgen.

 «Kitapqumarlar» klubında «Inglis tili, Rus tili, Kórkemlep oqıw, Ilimiy hám publicistikalıq maqala jazıw, Kitap prezentaciya, Kórkem shıǵarmalardı  dodalaw» dógerekleri hám motivaciyalıq treningler óz iskerliklerin alıp barmaqta.

Usı kúnge shekem  jaslardıń bos waqıtın mazmunlı ótkeriw hám olarda kitapqa degen qızıģıwshılıģın arttırıw maqsetinde klub aģzaları R.Qalmurzaeva basshılıģında kózge kórinerlik dárejede is-ilajlar alıp barmaqta.

Joldasova Fatima

Biologiya fakulteti 2-kurs studenti