Pedagogikalıq ámeliyat – bolajaq kásip iyeleriniń kásiplik tájiriybege iye bolıwındaģı baslanģısh qádem. Iyelengen teoriyalıq bilimlerdi ámelde júzege shıģarıwda ámeliyat procesi keń imkan jaratadı. Jaslardıń juwapkershilikli, óz isine puxta hám jaqsı kásip iyeleri bolıp jetilisiwi ushın bir imkan bolıp xızmet etetuģın pedagogikalıq ámeliyat procesi ámeliyatshılar arasında kishkene kásiplik ortalıqtı payda etedi.

   Qaraqalpaq filologiyası hám jurnalistika fakulteti qaraqalpaq tili hám ádebiyatı bakalavr tálim baģdarı 4-b kurs studentleri oqıw jılınıń dáslepki ayınan baslap Nókis qalalıq 4-sanlı mektepke pedagogikalıq ámeliyatqa jiberildi. Ámeliyat dawamında topar studentlerine fakultettiń qaraqalpaq tili bilimi kafedrası oqıtıwshısı G. Allambergenova hám qaraqalpaq ádebiyatı kafedrası oqıtıwshısı M. Palımbetovalar ámeliyat basshısı etip biriktirildi. Ámeliyattıń dáslepki kúni mektep oqıtıwshılar jámááti menen birgelikte jıynalıs bolıp ótti. Studentler mektep hám onıń ishki tártip-qaģıydaları menen tanısıp, sabaq ótiw procesi haqqında oqıtıwshılardıń pikirleri menen ortaqlastı.

   Pedagogikalıq ámeliyatta ámeliyat basshılarınıń hám tájiriybeli mektep oqıtıwshılarınıń jol-jobaları tiykarında studentler ámeliyat barısındaģı óz wazıypaların belsendilik penen orınlap kelmekte.

Aymuratova  Latima   

Qaraqalpaq filologiyası hám jurnalistika fakulteti  4-b kurs studenti.